बाँके माघ ६ गते ।
काठमाडौँबाट नेपालगन्ज आएको बुद्ध एयरको जहाज खराब मौसमका कारण ३५ मिनेटमा आकाशमा होल्ड भएपछि जहाजमा बेहोस भएकी महिलाको स्वास्थ्य अवस्था सामान्य रहेको छ ।
आज बिहान ७ः४४ बजे काठमाडौँबाट आएको बुद्ध एयरको जहाज ८ः४४ मा नेपालगञ्ज विमानस्थलमा अवतरण हुुनु पर्नेमा पानी परेका कारण ३५ मिनेट आकाशमा होल्ड भएपछि काठमाडौँ निवासी जानुका थापा बेहोस हुनुभएको थियो ।
जहाज ९ः१९ बजे ल्याण्ड भएको थियो । मौसमका कारण जहाज केहीबेर आकाशमा होल्ड भएपछि महिला आत्तिएकाले समस्या आएको बुद्ध एयर, नेपालगञ्जका व्यवस्थापक विनित शाहले जानकारी दिनुभयो ।
शाहका अनुसार ती महिलालाई जहाज ल्याण्ड हुने वित्तिकै एम्बुलेन्समा राखेर राँझामा रहेको नेपाली सेनाको अस्पतालमा लगिएको थियो । महिलाको अवस्थामा सामान्य रहेको शाहले जानकारी दिनुभयो ।
बिहान नेपालगन्ज केहीबेर पानी परेको थियो । त्यहीबेलामा जहाज अवतरण हुन नसकेर आकाशमा होल्ड भएको जनाइएको छ ।
Discussion about this post