बाँके फागुन १ गते ।
सीमावर्ती भारतीय बजार रुपैडियाबाट बाँके प्रहरीले पाँच जना किशोरकिशोरीको उद्दार गरेको छ । उनीहरु बाँके र बर्दियाका हुन् ।
अभिभावकहरुले आफ्ना किशोरकिशोरी हराएको सूचना प्रहरीलाई दिएपछि जमुनाह इप्रकाबाट प्रहरी नायव निरीक्षक मीनबहादुर विष्टको कमाण्डमा खटिएको प्रहरी टोलीले गएराती सीमापारी रुपैडिया बजारबाट उनीहरुको उद्दार गर्न सफल भएको हो ।
विष्टका अनुसार बैजनाथ गाउँपालिका–६ बाँकेकी १८ वर्षीया तारा सुनार, कोहलपुर नगरपालिका–११ की १८ वर्षीया स्मारिका शाही, कोहलपुर नगरपालिका–३ का १६ वर्षीय सागर चन्द, बासगढी नगरपालिका–२ बर्दियाका १८ वर्षीय आर्दश सुनार र सोही स्थानका १९ वर्षीय सुजित सुनारलाई उद्दार गरिएको हो ।
उनीहरु स्वस्र्फुतरुपमा आफै भारत पसेका थिए वा कसैले लैजाँदै थियो भन्नेबारेमा भने प्रहरीले अनुसन्धान गरिरहेको जनाएको छ । जिल्ला प्रहरी कार्यालयको नियन्त्रणमा रहेका उनीहरुलाई आज सोधपुछ गरेर परिवारको जिम्मा लगाउने तयारी भइरहेको बाँके प्रहरीले जनाएको छ ।
Discussion about this post