बाँके फागुन ४ गते ।
अमेरिकी सहयोग परियोजना ९एमसीसी० को विरोधमा आज बाँकेसहित देशभर बन्द आव्हान गरिएको छ । विभिन्न ६ दलीय मोर्चाले एमसीसीको विरोधमा आज नेपाल बन्द गरेको जनाएको छ ।
नेपाल कम्युनिष्ट पार्टी, नेकपा क्रान्तिकारी माओवादी, देशभक्त गणतान्त्रिक मोर्चा नेपाल, नेकपा, वैज्ञानिक समाजवादी कम्युनिष्ट पार्टी नेपाल र नेकपा माओवादी केन्द्र समाजवादीले एमसीसी राष्ट्रघाती हो भन्दै त्यसको विरोधमा नेपाल बन्द गरेको हो । बन्दका कारण विहानैदेखि बाँकेसहित देशभर आंशिक प्रभाव परेको छ ।
यातायात, कलकारखाना, शिक्षण संस्था, बजारलगायतका क्षेत्रमा बन्दको प्रभाव परेको हो । नेपालगन्ज तथा कोहलपुरबाट छुट्ने लामो तथा छोटो दुरीका सवारीसाधन संचालनमा नआएको प्रहरीले जनाएको छ ।
राष्ट्रघाती एमसीसी सम्झौता संसदबाट अनुमोदन गरिए देशलाई घात हुने भन्दै विरोधमा उत्रन नेकपा माओवादी केन्द्र समाजवादीका बाँके अध्यक्ष सुकईलाल वर्माले सबैलाई आव्हान गर्नुभयो ।
प्रहरीले विहानैदेखि सडकमा सुरक्षा बढाएको छ । नेपालगन्ज, कोहलपुरलगायतका बजारक्षेत्रमा प्रहरीको उपस्थिति बढाइएको हो ।
Discussion about this post