काठमाडौं फागुन ६ गते ।
प्रधानमन्त्री शेरबहादुर देउवाले आवश्यक परे सरकारमा सहकार्य गर्न प्रमुख प्रतिपक्षी दल एमालेलाई आग्रह गर्नु भएको छ ।
हिजो एमाले अध्यक्ष केपी शर्मा ओलीलाई भेट्न उहाँको निवास बालकोट पुगेका प्रधानमन्त्री देउवाले आवश्यक परे सरकारमा सहकार्य गर्न अनुरोध गर्नु भएको हो ।
यसअघि प्रधानमन्त्री देउवाले ओलीलाई एमसीसी पास गराउनका लागि सहकार्य गर्दै आउनु भएको थियो । सत्ता गठबन्धनमा एमसीसीबारे सहमति नभएपछि एमाले अध्यक्ष ओलीलाई भेट्न हिजो राति ९ बजेतिर पत्नी आरजु राणासहित प्रधानमन्त्री देउवा बालकोट पुग्नु भएको हो ।
प्रधानमन्त्री र ओलीबीच राजनीतिक अवस्थाका बारेमा कुराकानी भए पनि यही विषयमा छलफल भयो भन्नेबारे सार्वजनिक गरिएको छैन ।
तर, भेटमा ओलीले अब सत्ता गठबन्धन कसरी अगाडि बढ्छ रु भनेर जिज्ञासा राखेका उहाँको सचिवालयले जनाएको छ । एमालेले एमसीसी अनुमोदन गर्नेरनगर्ने पक्षमा स्पष्ट निर्णय गरिसकेको छैन ।
Discussion about this post