काठमाडौं चैत ४ गते ।
‘सञ्जय मेमोरियल राष्ट्रिय महिला बिच भलिबल’ प्रतियोगिताको सद्भावना दुतमा राष्ट्रिय महिला भलिबल टिमकी कप्तान अरुणा शाही र कलाकार धिरेन शाक्यलाई नियुक्त हुनुभएको छ ।
सञ्जय मेमोरियल फाउन्डेसनको आयोजनामा पाल्पाको तानसेनस्थित रानीमहलमा यही चैत २४, २५ र २६ गते ‘सञ्जय मेमोरियल राष्ट्रिय महिला बिच भलिबल’ प्रतियोगिताको आयोजना गरिएको छ।
उक्त प्रतियोगिताको लािग महिला भलिबल टिमकी कप्तान शाही र कलाकार शाक्यलाई नियुक्त गरिएको फाउन्डेसनले जनाएको छ। राष्ट्रिय र अन्तराष्ट्रिय रुपमा ख्याती कमाउन सफल शाही र शाक्यको नियुक्तिलेप्रतियोगितालाई सफल बनाउन थप सहयोग पुग्ने विश्वास फाउन्डेसनले लिएको छ ।
साथै, यस प्रतियोगिताको सफल आयोजना र सञ्चालनका लागि पूर्व गभर्नर चिरन्जिवी नेपालको संरक्षकत्वमा २३ सदस्यीय मुल आयोजक समिति गठन गरिएको छ । समितिमा फाउन्डेसनका पदाधिकारी सहित राजधानी काठमाडौं सहित पाल्पामा रहेका प्रतिष्ठित सामाजिक ब्यक्तित्व र संघ संस्था आयोजक समितिका सदस्य छन् ।
आयोजक समितिमा उवासंघ पाल्पा, पाल्पा व्यापार संघ, होटल संघ, खेलकुद विकास समिति, महिला उद्यमी संघहरु लगायत
विभिन्न संस्था रहेका छन् । तीन वटा विभागीय टिम र सात प्रदेशका टिमलाई समावेश गर्दै आयोजना गर्न लागिएको प्रतियोगितामा राष्ट्रिय स्तरका खेलाडी समावेश हुने सञ्जय मेमोरियल फाउन्डेसनका अध्यक्ष, निरोज मास्केले बताउनुभयो ।
बिच भलिबलको माध्यमबाट पाल्पाको रानीमहलको पर्यटन प्रबद्र्धन र विकास गर्ने उद्धेश्यले आयोजना गर्न लागिएको प्रतियोगिताको तयारी तिव्र गतिमा अघि बढेको मास्केले बताउनुभयो ।
Discussion about this post