बाँके बैशाख २५ गते ।
२२ बुँदे चुनावी प्रतिबद्धतासहित चुनावी प्रतिस्पर्धामा उत्रिएका नेकपा एकीकृत समाजवादी पार्टीको तर्फबाट नेपालगञ्ज उपमहानगरपालिका वडा नम्बर ५ मा वडा अध्यक्ष पदका उम्मेदवार मो सब्बीर अन्सारी आफ्नो जित सुनिश्चित जस्तै भएको बताएका छन् ।
उनले आफुले चुनाव अघि पनि वडाबासीको सुखदुखमा सँगै रहेर काम गरेका कारण आफ्नो जित सुनिश्चितजस्तै भएको दावी गरेका छन् । त्यही अनुसार उनी चुनावी घरदैलोमा व्यस्त भएका छन् ।
उनले आफु निर्वाचित भए सडक निर्माणलाई प्राथमिकता दिने बताए । आफ्नो वडामा सबै ठाउँमा नाला र सडक पूरा गरिने उनको बाचा छ ।
यस्तै धार्मिक संस्थाहरुमा अनिवार्य हाइमास्ट र हायलोजन लाइट जडान गरिने उनको भनाइ छ ।यस्तै प्रविधिको विकाससँगै आफ्नो वडालाई वाइफाइ फ्रिदेखि युवाहरुलाई जीमसम्म पुर्याउने उनको योजना छ ।
बिकासप्रेमी नेताका रुपमा आफुलाई चिनाएका उनले सडक र नाला नपुगेका वस्तीमा तत्काल सडक नाला निर्माणलाई अघि बढाइने बताउँछन । आफ्नो वडालाई सम्बृद्ध र विकासीत बनाउनका लागि आफु चुनावी प्रतिस्पर्धामा उत्रिएको उनको भनाइ छ ।
उनले वडाको विकासका लागि आफुलाई मत हाल्न आग्रह गरेका छन् ।
Discussion about this post