खोजखबर संवाददाता बाँके असोज १२ गते । नेपाल कम्युनिष्ट पार्टी नेकपा कोहलपुर १५ नं वडा कमिटिको आयोजनामा वडा नं १५ को पर्सेनिपुरमा कार्यकर्ता भेटघाट तथा शुभकामना आदान प्रदान कार्यक्रम सम्पन्न भएको छ । कार्यक्रमका प्रमुख अतिथि नेपाल कम्युनिष्ट पार्टी नेकपा ५ नं प्रदेश कमिटिका सदस्य पुजन विश्वकर्माले गरिबले खान पाउने, निमुखाले न्याय पाउने र रोगीबिमारी हुदा सरकार जनताको अभिभावक भएर उभिने व्यवस्थामा सरकार लागि परेको बताए । नेता विश्वकर्माले नागरिकले सहजै रोजगार पाउन भन्ने हेतुले बाँकेमा औधोगिक क्षेत्रको स्थापनाका को काममा सरकार लागि परेको बताए । उनले धनीको धन उर्जा पर्यटन र विकासमा लगानी गर्ने र जमिनदारको जमिन लाई व्यवसायिक उत्पादनमा प्रयोग गरेर मेहनतकस किसान लाई सुख दिने योजनाका साथ काम भईरहेको बताए । अब किसानले उत्पादनमा योगदान गरेर देश र जनता प्रति लगाएको गुन नेकपाले सम्मानका साथ कदर गर्ने उदघोष गरे ।
विशिष्ट अतिथि नेकपाका नेता नरेन्द्र पाण्डे जेम्सले कोहलपुरमा निमार्ण भईरहेको थारु संग्रहालयले थारु भाषा संस्कृतिको संरक्षण गर्नुका साथै पर्यटक पनि आकर्षण गर्ने बताए । उनले अन्तर्राष्ट्रिय क्रिकेट मैदान,कर्भड हल र १० तल्लाको भ्युटावर मार्फत कोहलपुर नगर प्रमुख लुट बहादुर रावत नेतृत्वको सरकार कोहलपुरको विकासमा लागि परेको बताए । उनले किसानले पशुपालन गरुन र व्यावसायिक कृषकका रुपमा विकास होउन् भन्ने हेतुले कोहलपुर १२ मा पशुबधशाला निर्माण भईरहेको जानकारी दिए ।नेता पाण्डेले सामन्तवाद र प्रतिकृयावाद लाई मलजल गर्ने कानुन जनपक्षिय सरकारले विस्थापन गरि नयाँ कानुन निर्माण गरिसकेकाले भुमिहिन र सुकुमवासीले चाडै जग्गा धनीपुर्जा प्राप्त गर्ने दावी गरे । नेकपाका बाँके जिल्ला नेता खिल प्रसाद भुषालले दलालनोकरशाही पुजी लाई राष्ट्रिय पुजीको रुपमा विकास गर्न सबैले श्रम गर्ने र श्रमको सम्मान गर्ने समाज बनाएरै छाड्ने बताए । उनले गरिब किसान लाई केन्द्रित गदै पशु विमा,वाली विमा,कृषि अनुदान कार्यक्रम लागु गरिएको भन्दै कार्यक्रम बारे जनता लाई जानकारी गरायाउन निर्देशन दिए । बाँकेका प्रभावशाली थारु समुदायका नेता नारायण थारुले थारु समुदायको हक र अधिकारका लागि लड्ने पार्टी नेपाल कम्युनिष्ट पार्टी नेकपाको विकल्प नभएको दावी गरे ।
उनले थारु समुदायको संस्कृतिको संरक्षण र थारु समुदायको युवायुवती लाई रोजगारी दिने ग्यारेन्टी नेपाल कम्युनिष्ट पार्टी नेकपाले मात्र गर्ने दावी गरे ।कोहलपुर नगरकार्यपालिका सदस्य तथा दलित आन्दोलनका नेता दयाराम सुनारले चिडिमार समुदायका लागि घर निर्माण गर्ने र चरा मार्न हैन चरा संरक्षण अभियान चलाईने बताए । कोहलपुरका युवा नेता टिपि न्यौपानेले जनताको दुईतिहाई अभिमतको सरकार जनता देखि बाहेक संसारका कुनै पनि शक्ति सँग डराउदैन् भन्दै भ्रमहरु छर्न नरोके प्रतिकारमा उत्रने चेतावनी दिए ।कार्यक्रममा भुमिहिन किसानका नेता लालमणि भण्डारी,थारु समुदायका नेता ओम प्रकास थारु, कम्युनिष्ट नेता ज्ञान बहादुर नेपाल,भग्गन थारु,मधेसी समुदायका बामपन्थी नेता रामगोपाल यादवले अध्यक्ष तथा प्रधानमन्त्री केपी शर्मा ओली नेतृत्वको सरकार राष्ट्रवादी सरकार भएकोमा जोड दिएका थिए ।सो वडाका सचिव राम बहादुर बाठाले संचालन गरेको कार्यक्रमको अध्यक्षता र्घुका थारुले गरेका थिए ।
Discussion about this post