खोजखबर संवाददाता
बाँके असार १२ गते । मानसरोवरको लागि भारतको हिन्दु धर्मालम्बीलाई मध्यनजर गर्दै भारतीय लगानीकर्ताहरुले स्थानिय केही तारे होटलमा व्यवस्थापनको जिम्मा लिँदै आफ्नो हैकमवाद जनाउन थालेको बताइएको छ ।
मानसरोवरको लागि भारतको विभिन्न स्थानबाट भक्तजनहरु नेपालगन्जको बाटो हुँदै जाने भएकाले भारतीय भक्तजनहरुलाई प्याकेजमा सेवा दिने गरेको तथा आफुले हैकम चलाएको होटलमा सेवा दिने गरेको बताइएको छ ।
भारतीयले होटल संचालन हुने भएको र राम्रो मुनाफा भएको कारण पनि स्थानिय होटल धनी पनि तिनीहरु आकर्षित हुनु एउटा बाध्यता भएको बताइएको छ ।
नेपालगन्जका प्रमुख तीन वटा होटलहरु सिग्नेट, कलपत्रु र स्नेहा अहिले भारतीय व्यवस्थापन समूहले सम्हालिरहेका छन् । ख्यातीप्राप्त बिदेशी होटल चेन समूहको रोजाईमा नेपालगन्ज
परेपछि आगामी दिनमा यसको संख्या अझ बढ्ने निश्चित छ । नेपालगन्ज र कोहलपुरमा मानसरोवरलाई लक्षित गर्दै तारे होटल खुल्ने क्रम जारी हुनुको साथै जिल्लाको विकासमा थप मद्दत पुगेको अधिकांश स्थानियले बताएका छन् ।
पश्चिम नेपालको पर्यटन व्यवसायको मुख्य गन्त्व्यका रुपमा रहेको नेपालगन्जमा बिदेशी होटल चेन समुहले होटलमा लगानी गरेका छन् । अन्य होटलहरु समेत यसै
गरी लगानी हुने क्रम बढेको छ । भारतमा मुख्यालय रहेको क्लार्क्स होटल ग्रुपले भवानी राणाको तारे होटल स्नेहासँग व्यवसायीक
साझेदारी गरेको छ । यतिबेला उक्त होटलको व्यवस्थापन भारतीय समूहले सम्हालिरहेको छ । नेपालगन्जका होटल व्यवसायी सीताराम यादवले विदेशी होटल समूह लगानी सहित आउनु स्वागतयोग्य भएपनि रणनीतिक साझेदारको रुपमा मात्र भित्रिनु मुलुकको हितमा नहुने टिप्पणी
गर्छन । उनी भन्छन, ‘पर्यटन व्यवसायमा ब्राण्ड फ्रेन्चाइज मात्र ल्याएर पछि यहाँको पैसा विदेश पठाउनु हाम्रो हितमा हुँदैन ।‘
भारतीय व्यवस्थापनमा चलिरहेका होटलहरु कति सफल छन् भन्ने बिषयमा चर्चा हुने गरेको छ । होटल स्नेहाको व्यवस्थापन
सम्हालिरहेको क्लार्कस समूहका व्यवस्थापक तोरबन घोस
नेपालमा धेरै होटलको व्यवस्थापन भारतीय समूहले सम्हालिरहेको बताउँछन् । उनी भन्छन,–‘राजधानी काठमाडौंका अधिकांस ठुला
होटलमा भारतीय समूह नै छ । मलाई लाग्छ सबै जसो सफल छन् ।’ उनले भारतीय व्यवस्थापन रहेका नेपालगन्जका होटल पनि सफल हुने बताए ।
Discussion about this post