बाँके असार ३० गते ।
इलाका प्रहरी कार्यालय कोहलपुरले लागु औषध ब्राउन सुगरसहित एक जनालाई पक्राऊ गरेको छ । प्रहरीले नेपालगंज उपमहानगरपालिका—२० मनिकापुर स्थित राँझा देखी कण्ठिपुर जाने सडक बाटोमा ६ ग्राम ब्राउन सुगर सहित एक जनालाई पक्राऊ गरेको हो ।
पक्राऊ पर्नेमा नेपालगंज उपमहानगरपालिका वडा नं २२ पुरैनी बस्ने बर्ष ३२ को भगवन्त लोनिया रहेका छन ।
बिहीबार कण्ठीपुर तर्फ बाट रांझा चोक तर्फ आउदै गरेको भे १२ प ३०१९ नम्वरको मोटर साईकल रोकी चेक जाँच गर्दा मोटरसाइकल चालक लोनियाले लगाएको हाफ पाईन्टको खल्तिमा उक्त लागू औषध लुकाई राखेको अवस्थामा फेला परेको इलाका प्रहरी कार्यालयका प्रमुख डिएसपी ऐन बहादुर मल्लले जानकारी दिनुभयो ।
पक्राऊ परेका लोनियाको साथ बाट वारदातमा प्रयोग गरेकोे मोटर साईकल थान १, साथमा रहेको भिभो कम्पनिको मोवाईल सेट थान १,इन्टेल कम्पनिको सादा मोवाईल सेट थान १ बरामद गरिएको छ । लोनियालाई नियन्त्रणमा लिई थप अनुसन्धान भईरहेको डिएसपी मल्लले बताउनुभयो ।
Discussion about this post