बैतडी साउन १४ गते ।
बैतडीमा चितुवाको आक्रमणबाट एकजना घाइते भएका छन्। शनिबार बिहान मेलौली नगरपालिका–२ कोटका ६८ वर्षीय गणेशबहादुर चन्द चितुवाको आक्रमणबाट घाइते भएका हुन्।
चन्दको खोरबाट खसी लगेको चितुवा दुम्सीका लागि थापेको पासोमा फसेको र उक्त चितुवाले उनलाई आक्रमण गरेको बताइएको छ। चितुवा केहीबेरपछि पासो तोडेर भागेको थियो।
चन्दको घाँटी र हातमा समान्य चोट लागेको र उनको स्थानीय स्वास्थ्यचौकीमा उपचार गरिएको मेलौली नगरपालिकाका स्वास्थ्य शाखा प्रमुख नारायण चन्दले बताए।
ADVERTISEMENT
Discussion about this post