बाँके असोज १८ गते । बाँकेको जानकी गाउँपालिकामा आयोजना गरिएको जानकी टुर्नामेन्ट क्रिकेट प्रतियोगितामा आयोजक जानकी स्पोर्टस क्लब बिजयी भएको छ । शनिबार प्रतियोगिताको एक समापन समारोह आयोजना गर्दै बिजयी टिमलाई नगद आठ हजार र प्रमाणपत्र प्रदान गरिएको छ । प्रतियोगितामा एकता स्पोर्टस् क्लब खजुरा ६ दोस्रो स्थानमा चित्र बुझाएको छ । जानकी गाउँपाािलका वडा नं. ४ खजुराखुर्दमा भएको प्रतियोगितामा एकताले चार हजार नगद र प्रमाण पत्र पाएको छ ।
बिभिन्न व्यक्ति तथा संघसंस्थाहरुको सहयोग सहकार्यमा आयोजना गरिएको क्रिकेट प्रतियोगितामा जम्मा सात टिम सहभागि भएको प्रतियोगिता संयोजक राजु यादवले जानकारी दिनुभयो । कार्यक्रम समापनमा बोल्दै नेपाली कांग्रेस महाधिवेशन प्रतिनिधि लक्ष्मी नारायण शाहले यस्ता प्रतियोगिताले युवाहरुलाई सौहर्दको वातावरण निर्माण गर्ने बताउनुभयो । उहाँले प्रतियोगिताले नेपालको खेलकुद क्षेत्रमा पनि सहयोग गर्ने र नयाँ खेलाडी उत्पादनका लागि प्रतियोगिताहरु हुनुपर्ने धारणा राख्नुभयो । आयोजक जानकी स्पोर्टस क्लबका अध्यक्ष अनिल कुमार झाँको अध्यक्षतामा समापन गरिएको थियो ।
Discussion about this post