भिम पौडेल बाँके असोज १९ गते । आज बिहानै देखि घटस्थापनाको आठौंैै दिन नेपालगन्जको प्रशिद्ध मन्दिर वागेश्वरीमा महा अष्टमीको अवसर पारेर पञ्चवली दिएर भब्य पुजापाठ गरिएको छ । जिल्ला प्रशासन कार्यालय लगायत बाँकेका सुरक्षा निकायले बागेश्वरी मन्दिरमा आज बिहानै पञ्चवली चढाएर पुजापाठ गरेका छन् । पञ्चवली चढाएपछि सर्वसाधारणले आ—आफ्नो भाकल अनुसार बोका र कुखुराको वली दिएर पुजापाठ गरेका छन् । राती १ बजेबाट बोका र कुखुराको वली दिन भक्तालुहरु लाईनमा बसेका हुन् । लाईन धम्बोझी चौक, सुर्खेत रोड र घरबारी टोल पिपल चौतारा देखि बागेश्वरी मन्दिर सम्म लामो लाईन छ ।
आजकै दिन हिन्दु धर्मालम्वीहरुले वागेश्वरी मन्दिरमा वली चढाउन बाँके लगायत छिमेकी जिल्ला बर्दिया, दाङ, सल्यान, सुर्खेत, जाजरकोट, दैलेख लगायत छिमेकी मूलुक भारतबाट पनि श्रद्धालु भक्तजनहरु आएर वली चढाउन आउने गरेका छन् । राती १ बजेबाट लाईन बसेर पालो कुरी रहेको बताउछन् जाजरकोटबाट आएका श्रद्धालु इलम शाही । उनले ढिलो गरी वली चढाउने चलनले सर्वसाधारणलाई सास्ती भएको बताए ।
बाँकेको सितापुरबाट आएका मोहनलाल घर्तीमगरले आफू ३ बजेबाट लाईनमा बसेको बताए । उनले छोरा बिदेश गएकाले राम्रो होस भनेर वागेश्वरी मन्दिरमा बोका चढाउन आएको बताए ।
यस्तै बाँके बिलारीबाट आएकी सिता गिरी आफ्ना २ भतिजा बिदेश गएकाले उनीहरुलाई राम्रो होस भनेर वागेशवरी मन्दिरमा बोका चढाउन आएको बताईन् ।
जाजरकोट सुवानाउलीबाट आएका जयनन्द न्यौपाने आफ्नो छोराको नौ ग्रह राम्रो होस र पढाईमा राम्रो होस भनेर भाकल गरेकाले वागेशवरी मन्दिरमा बोका चढाउन आएको बताए ।
वागेश्वरी मन्दिरमा नव दुर्गा अवधीभर बोका, कुखुरा चढाए आफूले चिताएको र भाकल गरे अनुसारको पुग्ने धार्मिक मान्यता रहेको छ । अरु दिन भन्दा वागेश्वरी मन्दिरमा अष्टमीको दिन भक्तालु श्रद्धालुहरुको बढी घुंईचो रहनुका साथै बढी संख्यामा वली चढाउने प्रचन रही आएको छ । आजकै दिन वागेश्वरी मन्दिरमा ५ हजार बढी बोका र कुखुराको वली चढाईएको छ ।
Discussion about this post