बाँके कात्तिक १ गते ।
निर्वाचनको मिति नजिकिएसँगै उम्मेदवारहरु चुनावी अभियानमा सक्रिय हुन थालेका छन् । आफ्नो एजेन्डा सुनाउने, मत माग्ने काम सुरु भइसकेको छ।
बाँकेमा विकासप्रेमीको रुपमा परिचित युवा नेता मोहम्मद इश्तियाक राईले पनि चुनावी अभियान तीब्र पाारेका छन । जनता समाजवादी पार्टीका नेता तथा बाँके क्षेत्र नं २ का प्रतिनिधिसभा उम्मेदवार राईले नाटक र नौटङ्की गरेर भोट माग्नेहरूलाई मतदाताले मंसिर ४ गते राम्रा जवाफ दिनुपर्ने बताउँछन।
निर्वाचन क्षेत्रका विभिन्न स्थानमा पुगेका उनले भोट माग्न आउने उम्मेदवारहरूलाई राम्रोसँग चिन्न र मंसिर ४ गते आफ्नो उत्कृष्ट विवेक प्रयोग गर्न पनि मतदातालाई आपिल गरेका छन।
‘राज्यका हरेक अंगमा समावेशिता र संघीयतालाई अझ बलियो गरी स्थापित गर्नका लागि फेरि पनि जनता समाजवादी पार्टी राज्यको निर्णायक ठाउँमा हुनुपर्ने जरुरी रहेको भन्दै उनले मधेस आन्दोलनको जगमा प्राप्त उपलब्धिहरूलाई जोगाउनका लागि आफूहरू चुनावबाट जनताको स्विकृती माग्न आएको बताए।
‘राईले आफ्नो निर्वाचन क्षेत्रको मात्र नभएर बाँके जिल्लाकै विकास गर्ने आफ्नो योजना रहेको सुनाउने गरेका छन्। पूर्वमन्त्री समेत रहेका राईले आफ्नो निर्वाचन क्षेत्रमा भौतिक पूर्वाधारदेखि शिक्षा, स्वास्थ्यको क्षेत्रमा उल्लेखनिय विकास गरेका छन् ।
उनीप्रति मतदाताको विश्वास र भरोसा पनि बढ्दै गएको छ । बाँकेको विकासमा राईको विकल्प नभएको भन्दै मतदाताहरुले उनीप्रति सदभाव व्यक्त गर्न थालेका छन् ।
Discussion about this post