सरला सुवेदी
बाँके कात्तिक २४ गते ।
बिकास भन्ने कुरा एकै पटक ह्वात्तै हुने पनि होइन र म एकै पटक समग्र क्षेत्रको बिकास गर्छु भनेर हजुरहरु सामु झुटो आश्वासन देखाउदिन भनेर नेकपा एमालेका तर्फबाट क्षेत्र नम्बर १ का प्रतिनिधि सभा सदस्य पदका उम्मेदवार सुर्य ढकालले १ नम्बर क्षेत्रको कोहलपुर नगरपालिका वडा नम्बर १२ का विभिन्न टोलहरुको घरदैलो को क्रममा भनेका छन् ।
बुधबार क्षेत्र नम्बर १ निर्वाचन परिचालन कमिटिले आयोजना गरेको उम्मेदवार सहितको घरदैलो अभियानमा कोहलपुर नगरपालिकाको वडा नम्बर १२का विभिन्न टोलहरुमा गरिएको घरदैलो अभियानका क्रममा ढकालले आफुले जनतालाई अरुले जस्तो लोभ लालच र झुटो आश्वासन दिएर भोट नमाग्ने गरेको बताए।
उनले त्यहाँका स्थानिय जनता समक्ष वडामा भएको सबै टोलको बिकास चुनाव जित्ने बित्तिकै गर्छु भनेर हजुरहरुसङ्ग भोट माग्नु भनेको हजुरहरुको अपमान गरे जस्तै हो भने उनले वडा बिकासको लागि आफ्नो कार्यकाल भित्र ग्राबेल नभएको धुलेबाटोमा ग्राभेल र ग्राभेल भएको बाटोलाई बिस्तारै बिस्तारै पिच गर्दै लैजाने र यी बडा भित्र भएका सरकारी स्कुलको स्तरोन्नति गर्ने र कृषि मा लागेका किसानललाई प्रोत्साहन स्वरुप पुरस्कृत गर्ने र बाँके राष्ट्रिय निकुञ्जका जनावर र मानव बिच हुने द्वन्द्व आफुसङ्ग योजना भएको बताए ।
यस्तै यो भन्दा अगाडिका उम्मेदवार आफ्नो गाउँ मा फर्केर समेत न आएको भन्दै केही स्थानिय आक्रोश समेत भएका थिए भने जानकी टोलमा जस्ले थ्री फेज लाइन जोड्न पहल गर्छ र यहाँ हुने कटान डुबानको समस्या जस्ले समाधान गर्छ उसैलाई मतदान गर्ने स्थानियले बताए ।
यस्तै प्रदेश सभा सदस्य पदका उम्मेदवार दुर्गा प्रसाद चौधरीले आफू आश्वासन बाढ्न भन्दा काम गर्न रुचाउने भएकोले पुरानोलाई धन्यवाद र नयाँलाई अवसर दिनुस भन्दै स्थानिय समक्ष कसैले त्यस्तो रातारात हजुरको वडाको बिकास गर्छु भनेर भोट मागे त्यो भ्रमित कुरा हुने बताउदै आफ्नो स्वबिबेक प्रयोग गर्न मतदातालाई आग्रह समेत गरेका छन् ।
Discussion about this post