सरला सुबेदी
बाँके माघ २० गते ।
बाँकेको कोहलपुरमा यहि फागुन ५ गतेदेखी लुम्बिनी प्रादेशिक महोत्सव संचालन हुने भएको छ । कोरोना महामारीपछि कोहलपुर उद्योग वाणिज्य संघले पहिलो पटक “कृषि , पर्यटन , शिक्षा र उद्योगको आवश्यकता व्यवसायिक प्रवर्द्धन सङ्गै सामाजिक एकता“ भन्ने नारा सहित ‘लुम्बिनी प्रादेशिक महोत्सव २०७९’ संचालन गर्न लागेको हो ।
महोत्सव सन्चालन गर्नु अघि महोत्सव लाई सफल बनाउन के कसरी लाग्नु पर्ने भन्दै विभिन्न सरोकारवालाहरुसङ्ग अन्तरक्रिया गरि सुझाब सल्लाह संकलन गर्दै आएको उद्योग बाणिज्य संघका अध्यक्ष तथा महोत्सव आयोजक मूल समारोह समिती संयोजक लक्ष्मणराज पौडेलले जानकारी गराएका छन् ।
उनले महोत्सवको तयारी तिब्र पारिएको र प्रायोजक सहप्रायोजकहरु र विभिन्न बस्तुगत क्षेत्रका उद्योगि व्यापारिहरुसङ्ग एक चरणको छलफल र भेटघाट समेत भएको बताएका छन् । शुक्रबार एक कार्यक्रमका बिच फागुन ५ गतेदेखि १५ गतेसम्म कोहलपुर न्युरोडको उत्तरमा रहेको खुल्ला मैदानमा प्रादेशिक महोत्सव संचालन हुनेआधिकारिक जानकारी गराएका हुन् ।
उद्योग वाणिज्य संघको अत्याधुनिक भवन निर्माण गर्नको लागि संचालन गर्न लागिएको महोत्सवमा २ सय ५० बढी स्टलहरु रहने र करिब तिन लाख बढीले अवलोकन गर्ने आयोजकको अनुमान रहेको छ ।
कोहलपुरमा हुने महोत्सवमा स्थानिय कला, संस्कृतीका साथै स्थानिय उत्पादनलाई प्राथमिकतामा राखिएको पौडेलले बताए । उनले स्थानिय क्षेत्रमा भएका कृषि , पर्यटन, शिक्षा र उद्योगहरुलाई प्राथमिकतामा राखी यी क्षेत्रको बिकासको लागि महोत्सवले थप इट्टा थप्ने बताउदै महोत्सवलाई सफल बनाउन बाणिज्य संघको मात्र जिम्मेवारी नभएर समग्र कोहलपुर बासिको पनि उत्तिकै जिम्मेवारी भएको हुँदा आ आफ्नो ठाउँबाट यस महोत्सवलाई सफल बनाउन लाग्नु पर्ने भन्दै आग्रह समेत गरेका छन् ।
Discussion about this post