सामुदायिक वनका उपभोक्ता कागती खेतितर्फ आकर्षित

बाँके साउन २० गते ।
बाँकेको कोहलपुर नगरपालिका वडा नं. १२ मा रहेको सिर्जना सामुदायिक बनले गरेको सामुहिक कागति खेतीबाट समुहले मनग्गे आम्दानी गर्दै आएको सामुदायिक बनका उपभोक्ताहरुले बताएका छन ।

२०६५ सालमा बनको खालि एक हेक्टर जग्गामा बिभिन्न प्रजातीका कागति लगाई गरिएको सामुहिक खेतीमा १३७ जना उपभोक्ताहरु लाभवान्भित हुदै आएको सिर्जना सामुदायिक बनका अध्यक्ष सुमन पौडेलले बताउनु भएको छ।
बन्यजन्तुबाट हानी समेत नहुने भएपछि कागति खेतीमा हात हालेको बताउदै अध्यक्ष पौडेलले सट्ले, सुन कागति भोगटे जस्ता १००० बिरुवाबाट राम्रो उत्पादन भईरहेको बताउनु भएको छ ।

यस सिजनमा फल लागेको कागति उपभोक्ताहरुलाई बाँडफाँट गरि बिक्री बितरण गर्दै आएको अध्यक्ष पौडेलले बताउनु भयो।
अन्य बालि जस्तो संधै हेर बिचार गोडमेल समेत गर्नु नपर्ने र बंधेल, बाँदर जस्ता जनावरले कागतिबालिलाई सितिमिती नोक्शान नपुरयाउने भन्दै उपभोक्ताहरु थप बनको खालि जग्गामा कागति खेती गर्न हौसियका छन ।

यस बर्षको कागती एक तिहाई मात्र टिपिएको र अझै दुई भाग टिप्न बाँकी रहेको भन्दै सामुदायिक बनले आफैले समुहमा आम्दानी नबाँधेर सिधै उपभोक्ताहरुलाई बितरण गरेको हो ।