बाँके साउन २१ गते ।
नेपालगन्ज त्रिभुवन चोकका ६ जनाको सवारी दुर्घटनामा मृत्यु हुन भएको छ । भारतको स्रावस्ती भन्ने ठाउँमा भयानक कार दुर्घटनामा उनीहरुको मृत्यु भएको खबर छ ।
शनिबार नेपाली समय अनुसार साँझ साढे ६ भएको कार दुर्घटनामा नेपालगन्जका व्यापारी घरानाका दुई परिवारका गरी ६ जनाको मृत्यु भएको बताइएको छ । नेपालगन्ज त्रिभुवन चोक स्थित एसकुमार वाचका संचालक सन्तोष कुमार गुप्ताका छोरा र छोरी, नेपालगन्ज सदरलाईन स्थित हरि ओम मेडिकलका वैभव गुप्ताका छोरा बुहारी र दुई नातिनी परेको खवर छ ।
भारतीय टेलिभिजन न्युज १८ ले कार दुर्घटनामा दुई पुरुष, दुई महिला र दुई बालबालिकाको मृत्यु भएको जनाएको छ । दुर्घटनाको एकिन विवरण भने आइसकेको छैन ।
तर नेपालगन्जका स्थानियहरुले सामाजिक संजालमा दुई परिवारका गरी ६ जनाको मृत्यु भएको लेखेका छन् । मृत्युको खबरले त्रिभुवन चोक शोकमा डुबेको छ । त्रिभुवन चोकका बासिन्दाहरु मृत्युको खबर पाएदेखि रातभर सुतेका छैनन् । फेसबुक मार्फत सबैले श्रद्धाञ्जली दिइरहेका छन् ।
यो पनि पढ्नुस ।
भारतको श्रावस्तीमा कार दुर्घटना : नेपालगन्जका छ जनाको मृत्यु
Discussion about this post