बाँके साउन २१ गते ।
नेपालगन्ज उद्योग बाणिज्य संघको निर्वाचन नजिकिदै छ । उम्मेदवारहरु तीब्र घरदैलो अभियानमा छन् । यही भदौ २ गते निर्वाचनको मिति तोकिएको छ ।
निर्वाचनलाई लक्षित गरेर उम्मेदवारहरुले आफ्नो पोल्टामा नतिजा पार्न अहोरात्र खटिएका छन् । सदस्य पदका उम्मेदवार अतुल कुमार गुप्ता हल्वाई पनि चुनावी अभियानमा खटिनुभएको छ । भाईजी नामले चिनिने अतुल नेपालगन्जका लोकप्रिय व्यवसायी हुन् । द केक एण्ड बेकरी उद्योगका संचालन उनी ८ बर्षदेखि बेकरी स्विट्स एण्ड रेष्टुरेन्ट व्यवसायमा आवद्ध छन् ।
बुवा बरातिलाल हल्वाई र आमा शान्तिदेवी हल्वाईको कोखबाट जन्मिएका उनी सहयोगी, मिलनसार र हक्की स्वभावका छन् । कोरोना महामारीमा अतुलले अफ्ठयारोमा परेका नागरिकहरुलाई राहात दिने देखि उद्दारमा समेत खटिएका थिए । उनीप्रति धेरै मतदाताको रुझान देखिएको छ । लोकप्रिय व्यवसायी अतुलको चर्चा बजारमा धेरै छ ।
समाजसेवीको समेत छवि बनाएका उनले ललितकुमार रौनियारको टिमबाट उम्मेदवारी दिएर प्रचारप्रसारमा हिडिरहेका छन् ।
Discussion about this post