बाँके भदौ १० गते ।
खजुरा गाउँपालिका अध्यक्ष डम्बरबहादुर विक (तुफान) यतिबेला चर्चामा छन् । उनी राम्रो काम गरेर नभई नेपालको ठूलो दोस्रो दल एमालेका पोलिट ब्युरो सदस्य तथा बाँके जिल्ला इन्चार्ज खेममान खड्का र एमाले बाँके अध्यक्ष एवम् खजुरा गाउँपालिकाका निवर्तमान अध्यक्ष किस्मतकुमार कक्षपतिलाई अपशब्द बोलेर चर्चामा आएका हुन् ।
खड्कासँगको फोन सम्वादमा विकले प्रयोग गरेको शब्दको सर्वत्र आलोचना भइरहेको छ । उनले खजुरा गाउँपालिकाको अध्यक्षले प्रयोग गर्दै आएको मोवाइल नम्बर ९८५८०६०११४ मा खड्कालाई अर्काको मोवाइलमा फोन गर्ने तँ को होस भन्दै थर्काएको एमाले नेता खड्काले बताए । ‘म संयमभ भएर कुरा गरिरहेको थिएँ । उताबाट तँ अर्काको मोवाइलमा फोन गर्ने तँ को होस भनि थर्काए । फोन राख सा…। किस्मतको चम्चा समेत भनियो,’ उनले भने ।
पालिका अध्यक्ष र एमाले नेताको सम्बादको अडियो बाहिरिएको छ । खड्कासँगको टेलिफोन सम्वादमा विकले प्रयोग गरेको सम्वाद स्पष्ट बुझिन्छ । उनले खड्काले पत्रकार सम्मेलनमा भनेको जस्तै शब्द अडियोमा पनि सुन्न सकिन्छ । ‘किस्मत त अस्ति नै मरिसक्यो हामी उसलाई मट्टी दिएर आइसकिम,’ विकले टेलिफोन सम्वादमा भनेका छन् ।
पालिका अध्यक्षजस्तो जिम्मेवार पदमा रहेका व्यक्तिको त्यस्तो भाषाशैली हुनु आपत्तिजनक रहेको भन्दै एमाले प्रचार विभागले पत्रकार सम्मेलन गरेर भत्सर्ना गरेको छ । प्रचार विभाग प्रमुख सतिश निरौलाले पालिका अध्यक्षको अभिव्यक्ति अमर्यादित, गैरजिम्मेवार र गालीगलौचपूर्ण रहेको भन्दै कानुनी उपचार खोज्ने बताए ।
के भएको थियो सम्वादमा ?
आफ्नो पार्टीका जिल्ला अध्यक्ष कक्षपतिबारे अपशब्द बोलेको भन्दै एमालेले आपत्ति जनाएको छ । एमाले पोलिटब्युरो सदस्य एवम् बाँके इन्चार्ज खड्काले कक्षपति भन्दै ५ भाद्र बेलुका खजुरा गाउँपालिका अध्यक्षले प्रयोग गर्ने सरकारी नम्बरमा फोन गरेका थिए ।
‘५ भाद्र बेलुका म काठमाडौँबाट बेलुका नेपालगन्ज आइपुगेँ । म बसबाट आएँ, किस्मत जी प्लेनबाट आउनु भयो ।
नेपालगन्ज आउने वित्तिकै मैले कक्षपति जीको ९८५८०२००५८ मा फोन गरेँ । उक्त फोन उठेन । उक्त फोन नउठेपछि मैले पालिका अध्यक्ष भएका बेला कक्षपति जीले प्रयोग गर्दै आएको ९८५८०६०११५ नं. पनि सेभ गरेको रहेछु । उक्त नम्बर सरकारी हो भन्ने मलाई थाहा थिएन ।
त्यसपछि सोहि नम्बरमा फोन लगाएँ, तर उहाँ (विक) ले सुरुमै मलाई थकाउनु भयो । मैले यो फोन किस्मत जीको होइन र भने ?, उहाँ (विक) ले किस्मत त अस्ति नै मरिसक्यो हामीले मिट्टी दिएर आइसक्यौँ भन्नु भयो । मैले ज्युदो ब्यक्तिलाई मरेको नभन्न आग्रह गरेँ । उहाँले झन चर्को स्वरमा अपशब्द प्रयोग गर्नुभयो, खड्काले भने ।
Discussion about this post