भिम पौडेल बाँके कार्तिक १ गते । आठौँ अन्तराष्ट्रिय बालिका दिवसको सन्दर्भमा बाँकेको कोहलपुरमा बालबिबाह अन्त्य गरौ भन्ने मुल नाराका साथ बाँकेका ८ वटै स्थानिय तह र जिल्ला समन्वय समिति बाँकेको आयोजना सम्पन भयको छ ।
प्रभात फेरी कार्यक्रम संगै “म बालबिबाह उन्मूलन गर्न प्रतिबद्ध छु” हस्ताक्षर अभियान, बालबिबाह सम्बन्धि सडक नाटक, कथा वाचन र बालिकाहरुले आफुहरु माथि आयको परिबर्तनका बारेमा प्रस्तुत गर्नुका साथै सरोकारवाला संग बालिका संबाद कार्यक्रम समेत गरिएको हो ।
बालिका सशक्तिकरण र उनीहरुको मानवअधिकारको प्रबर्धन गर्न, संसार भरका बालिकाहरुले सामाना गर्नु परिरहेको चुनौतीहरु विरुद्ध आवाज उठाउने उद्देश्यका साथ बाँकेको कोहलपुमा बालिका दिवस मनाईएको छ ।
शिक्षा, लैंगिक असमानता, बालबिबाह, प्रजनन स्वास्थ्यमा पहुँच र बाल तथा लैङ्गिक हिंसा आदि कुराहरुको चुनौती बढ्दै गयको अबस्थामा बालिकाहरुलाई अगाडि बढाउन फलामको चिउरा चापाउनु जस्तै भएको सहभागीहरुको भनाई रहेको थियो । ¥यालीमा सहभागीहरुले प्लेकार्ड सहित बालबिबाहको उन्मूलनका लागी नारा लगाउँदै नगर परिक्रमा समेत गरेका थिए ।
बाँके जिल्लामा १९ बर्ष मुनि बिबाह गर्नेको संख्या बालिकामा ८०.७८ प्रतिशत रहेको छ भने १९ बर्ष मुनिका बालकको संख्या ६०.९२ प्रतिशत रहेको कार्यक्रममा एक प्रतिबेदन समेत सार्वजनिक गरीएको थियो । बाँके जिल्लामा सबै भन्दा बढी बालबिबाहको चुनौती बढ्दै गएको र यसलाई समाधान गर्न सबै पक्ष एक भएर लाग्न समेत जोड दिदै कार्यक्रममा अतिथि कोहलपुर नगरपालिकाका मेयर लुट बहादुर रावत ले बताए । भने अन्य अथितिमा ८ वटा स्थानिय तहका प्रमुख तथा उपप्रमुखको सहभागीता रहेको थियो ।
कार्यक्रमको समन्वय सहकार्य बाँकेमा कृयाशिल संघसंस्थाहरु रुम टु रिड (पढ्नको लागी कोठा), प्लान इन्टरनेसनल नेपाल, स्याक नेपाल बाँके, बि ग्रुप, उद्योग बाणीज्य संघ कोहलपुर, बैंक तथा बित्तिय संस्थाहरु लगायत बिभिन्न बिद्यालयका बालबालिकाहरु को सहभागीता रहेको थियो । कार्यक्रमको प्रभात फेरी कोहलपुर नगरपालिका बाट सुरु भएर बजार परिक्रमा गर्दै कार्यक्रम स्थलमा गई समापन भएको थियो । कार्यक्रमका अध्यक्षता जिल्ला समन्वय समिति बाँकेका संयोजक अजय कुमार श्रीवास्तवले गरेका थिए ।
Discussion about this post