बाँके मंसिर ८ गते ।
नेपाल औषधि व्यवसायी संघ बाँके शाखाले भूकम्प पीडितलाई अत्यावश्यक औषधिसहितको सामाग्री सहयोग गरेको छ ।
शाखाले बाँकेका प्रमुख जिल्ला अधिकारी श्रवणकुमार पोख्रेलमार्फत् अत्यावश्यक औषधि, कम्वल तथा बालबालिकालाई न्यानो कपडा सहयोग गरेको महासचिव जीवन शर्माले जानकारी दिनुभयो ।
उहाँका अनुसार ९० हजार मूल्य बराबरको औषधि, ७३ थान कम्वल र ६ बोरा न्यानो कपडा शाखाले सहयोग गरेको हो । गएको कार्तिक १७ गते मध्यराती जाजरकोट केन्द्र विन्दु भएको गएको भूकम्पबाट ठूलो धनजनको क्षती भएको छ । अझैपनि प्रभावित क्षेत्रका मानिसहरु गास र बासको समस्यासँग जुधिरहेका छन् ।
सहयोग हस्तान्तरण कार्यक्रममा संघका केन्द्रीय सचिव कृष्णबहादुर रोकाय, केन्द्रीय सदस्य सरला कुमारी विष्ट, बाँके शाखाका निवर्तमान अध्यक्ष वसन्त शर्मा, उपाध्यक्ष शरदराज अधिकारी, कोषाध्यक्ष प्रदीप साह, सचिव पूर्णदेव गिरी, सदस्य राजेश गुप्ता लगायतको सहभागिता रहेको थियो ।
Discussion about this post