खड्क सुनार मुुुुगू कार्तिक ६ गते । हिउ चितुवा निगरानि गर्न ६० क्यामरा जडान गरिने भएको छ । शेफोक्सुन्डो राष्ट्रिय निकुञ्जको कार्यालय डोल्पा अन्र्तगत मुगु जिल्लाको पुर्वी करान भेगमा पर्ने मुगमकामारोङ्ग गाँउपालिका वडा नम्बर १ डोल्फु क्षेत्रमा हिउँ चितुवाको संख्या कति छ भनेर पत्ता लगाउनको लागी क्यामरा जडान गरिने भएको हो ।
उक्त निकुञ्ज अन्र्तगत मुगु जिल्लाको मुगमकामारोङ्ग गाँउपालिका वडा नम्बर १ डोल्फु क्षेत्रमा हिउँ चितुवा भएको संख्यको एकिन नभएकोले विवरण संकलनको लागि क्यामेरा जडान गर्न लागिएको हो ।
राष्ट्रिय निकुञ्जको आयोजनामा बिश्व बन्यजन्तु संरक्षेण कोषको प्राबिधिक र आर्थिक सहयोगमा डोल्फु क्षेत्रमा चार वाई चारको क्षेत्रफलमा यू आकारमा ६० स्थानमा ६० बटा क्यामरा जडान गर्ने र जडान गरिएको क्यामरा ४५ दिन देखी ६० दिन सम्म निकुञ्जको राख्ने गरी ३ समुहमा २५ जनाको टोलीले हिउ चितुवाको विवरण पत्ता लगाउन लागेको निकुञ्जका सिनियर गेमस्काउट बिर बहादुर बुढाले बताउनुभयो ।
यस क्षेत्रमा हिउँ चितुवा को संख्या पत्ता लगाउनको लागी मात्र नभई अन्य बन्यजन्तु घोर कस्तुरी, मृग, झारल, कालिज, डाँफे ढुकुर, जस्ता बन्य जन्तु र चराचुरुगीहरुको संरक्षण र सख्याको गणना गर्नको लागी पनि स्थानीय बासिन्दाहरुको समेत माग रहेको थियो । पछिल्लो समयमा चोरी शिकारीहरुको संख्या बढीरहेको स्थानीयको गुनासो रहेको छ ।
पछिल्लो समय जंगली जनावरहरु विस्तारै लोप हुदै गएका छन् । मुगु जिल्लाको एकदमै बहुमुल्य जडिबुटि र बोट विरुवा विभिन्न प्रकारका जनावरहरु पाईने ठाउ पनि मानिन्छ । यता मुगुमकार्मारोङ्ग गाउपालिकाले पर्यटन क्षेत्र लाई उकास्न विभिन्न प्रकारका कदमहरु पनि चालिरहेको छ । वन संरक्षण र वन्य जन्तु सिकार लाई पनि न्युनीकरण गर्न पनि कमद चालिरहेको मुगुमकार्मारोङ्ग गाउपालिकाका अध्यक्ष छिरिङ क्याप्ने लामाले जानकार दिनु भएको छ । आगामि दिनहरुमा पनि यस गाउपालिका बाट पर्यटन प्रवद्धन र जनावरहरु लाई संरक्षण गरे पर्यटन र विकासमा उत्तिकै फड्को मार्ने उनले बताउनु भएको छ ।
Discussion about this post