सरला सुवेदी
धनगढी माघ ५ गते ।
अध्यधिक चिसो बढेपछि कोहलपुर नगरपालिकाले केहिदिन अघिबाट दाउरा वितरण सुरु गरेको छ । नगरका १५ वटै वडाका विभिन्न स्थानमा नगर प्रहरीद्धारा दाउरा वितरण चार दिन देखि भइरहेको छ । नगर प्रहरी प्रमुख वीर बहादुर थापाका अनुसार अत्याधिक चिसो बढेपछि दाउँरा वितरण सुरु गरिएको हो । अहिलेसम्म कोहलपुर नगरभित्रका १०२ स्थानमा दाउरा वितरण गरिएको उहाँले बताउनु भएको छ।
चिसो झन बढिरहेकोले निरन्तर दाउँरा वितरण गरिरहेको उहाँले बताउनु भयो ।‘हामीले चारदिनदिनदेखि निरन्तर दाउरा वितरण गरिरहेका छौं । यो क्रम निरन्तर चलिरहेको छ । चिसो नहट्दासम्म मागको आधारमा दाउरा वितरण हुने उहाँले बताउनु भयो। नगरपालिकाले मानिसहरुको भीड हुने स्थान, अस्पताल क्षेत्र, मन्दिर क्षेत्र, वृद्ध आश्रम लगायतका स्थानहरुमा दाउँरा वितरण गरिरहेको छ ।
नगर क्षेत्रमा रहेका जेष्ठ नागरिक वृद्धवृद्धा,गर्भवती महिला, असक्त व्यक्ति तथा बालबालिका प्रभावित हुदै गएकाले कोहलपुर नगरपालिकाद्वारा बढी मानिस जमघट हुने स्थाने स्थानमा दाउर वितरण गरिएको हो । यस्तै मुख्य मुख्य चोक, धार्मिक स्थल, अस्पताल क्षेत्र , बढी सेवाग्राही हुने स्थान , जेष्ठ नागरिक आश्रम जस्ता स्थानमा दाउरा वितरण गर्ने र आगो बाल्ने कार्य भईरहेको हुंदा त्यस्ता समुहका प्रभावित व्यक्तिले दाउराको सम्बन्धित वडा र नगर प्रहरीलाई खबर गर्न आग्रह गरिएको छ ।
Discussion about this post