सुर्खेत माघ ५ गते ।
जंगलमा फिरन्ते जीवन विताईरहेका लोपोन्मुख राउटे सदस्यकी एक किशोरीको मृत्यु भएपछि समुदायको बसाई नै सरेको छ । बिहीबार राती हरिबहादुर शाहीकी १२ बर्सिया छोरी दुर्गा शाहीको मृत्यु भएपछि राउटे समुदायको वस्ती सरेको हो ।
समुदायका कुनै मानिसको मृत्युु हुने बित्तिकै यो समुदायको परम्परा अनुसार उक्त स्थान छाडेर अन्यत्र जाने चलन रहेको छ । दैलेखको भैरबी गाउपालिका–४, को गडजिउलामा बस्दै आएका राउटे समुमदाय शुक्रबार बस्ती सरेको हो ।
उनीहरुले शुक्रबार नै मृत्तक दुर्गाको दाहसंस्कार गरी दैलेखको चामुन्डाबिन्द्रासैनी नगरपालिका–४, सुईयातडामा बसाई सरेको सोसेक नेपालका कर्मचारी लालबहादुर खत्रीले जानकारी दिनु भयो । राउटे समुदायमा कुनै सदस्यको मृत्युपछि वस्ती नजिकै गाड्ने चलन रहेको छ । राउटे समुदायमा कुनै सदस्यको मृत्यु भएपछि वस्ती सर्ने चलन परापूर्वकालदेखि चलि आएको राउटे अगुवाहरु बताउँछन् ।
सोसेक नेपालका खत्रीका अनुसार पछिल्लो दुई वर्ष यता राउटे समुदायको जनसंख्या घटदै गईरहेको छ । हाल जंगलमा फिरन्ते जीवन विताउने राउटेको जनसंख्या १ सय ३७ जना मात्र रहेका छन् ।
Discussion about this post