दाङ चैत १७ गते ।
दाङको बबई गाउँपालिका–३ स्थित वन क्षेत्रमा एक १४ वर्षीया किशोरी मृत अवस्थामा फेला परेकी छन् ।
बबई–३ सल्लीकोट निवासी अनु खत्री साथीको जन्मदिन मनाउन भनी चैत १२ गते घरबाट निस्केकी थिइन् । उनी सोही स्थानको भ्यूटावर नजिकको वन क्षेत्रमा मृत अवस्थामा फेला परेकी हुन् ।
जिल्ला प्रहरी कार्यालय दाङका प्रहरी निरीक्षक बाबुराम बस्नेतका अनुसार सोमबार बिहान करिब १० बजे प्रहरीले उनको शव फेला पारेको हो । शवलाई पोस्टमार्टमका लागि राप्ती प्रादेशिक अस्पताल, तुलसीपुर लगिएको छ ।
घटना शंकास्पद रहेको भन्दै परिवारले सत्यतथ्य छानबिनको माग गरेका छन् । प्रहरीले घटनाबारे अनुसन्धान जारी रहेको जनाएको छ ।
ADVERTISEMENT
Discussion about this post