बाँके माघ १२ गते ।
बैजनाथ गाउँपालिका वडा नं।५ स्थित कोहलपुर सिटीमा माघ १० गतेदेखि प्रथम बैजनाथ महोत्सवको तेस्रो दिन आज चर्चित जन गायक बद्री पङ्गेनीको प्रस्तुतिमा स्थानीय दर्शकहरुले मनोरञ्जन लिएका थिए । लोकदोहोरी गायक पङ्गेनीको आज मुख्य प्रस्तुति रहेको थियो ।
नेपाल घरेलु तथा साना उद्योग महांसघको आयोजनामा देशिक औद्योगिक,लघु,घरेलु महिला उद्यमी,कृषि तथा प्रविधि प्रदर्शनी,व्यापार एवं पर्यटन महोत्सव–२०८० माघ १० गतेदेखि बैजनाथ गाउँपालिकामा सञ्चालन भइरहेको छ । यस्तै चर्चित गायिका सिर्जना खत्रीले समेत प्रस्तुति दिएकी थिइन् । महोत्सवमा विभिन्न स्थानीय तथा राष्ट्रिय कलाकारहरुले प्रस्तुती दिइरहेका छन् ।
प्रथम बैजनाथ डान्स आइडलसमेत भइरहेको आयोजकले जनाएको छ । प्रतियोगिताको सह आयोजकका रूपमा बैजनाथ गाउँपालिका वडा नम्बर ५ को कार्यालय रहेको छ । व्यवस्थापक जय माता दी एम्युजमेन्ट एण्ड इभेन्ट म्यानेजमेन्ट प्रालि बुटवल रहेको छ । महोत्सवमा ख्याती प्राप्त राष्ट्रिय तथा स्थानीय गरी ६० बढी कलाकारहरूको प्रस्तुति रहनेप्रचारप्रसार संयोजक सुमन विश्वकर्माले जानकारी गराएका छन।
Discussion about this post