बाँके फगुन १७ गते ।
बाँकेको कोहलपुर नगरपालिका वडा न।१२ चप्परगौडी स्थित सडकमा ठूलो मात्रामा लागुऔषध चरेश सहित २ जना पक्राउ परेका छन् । पक्राउ पर्नेमा, सोही ठाउँमा बस्ने बर्ष २५ को प्रकाश सिह र बर्ष १९ को मिलन बि.क रहेका छन् ।
लागुऔषध चरेश बिक्रि बितरण गरी रहेका छन भन्ने बिशेष सुचनाका आधारमा उक्त स्थानमा जिल्ला प्रहरी कार्यालय नेपालगंज बाँके, लागु औषध नियन्त्रण ब्युरो शाखा कार्यालय नेपालगंज बाँके र ईलाका प्रहरी कार्यालय कोहलपुरको संयुक्त प्रहरी टोलीले मङ्गलबार पक्राउ गरेको हो ।
शंकास्पद रुपमा हिडिरहेको अवस्थामा फेला पारी उनिहरुलाई नियन्त्रणमा लिई शरीर रित पुर्बक खानतलासी गर्दा प्रकाश सिहले हातमा बोकी राखेको रातो रङको प्लाष्टिकको झोला भित्र लुकाई छिपाई राखेको लागु औषध चरेश फेला पारी पक्राउ गरेको प्रहरीले जनाएको छ। बाँके जिल्ला अदालतबाट दिन ५ (पाँच)को हिरासतमा राख्ने अनुमती लिई उनीहरू माथि थप अनुसन्धान भईरहेको बाँके प्रहरीले जनाएको छ।
Discussion about this post