सरला सुवेदी
बाँके फागुन १७ गते ।
पश्चिम नेपालमै पहिलो पटक स्थानिय स्तरमा कोरियन भाषाको शब्दकोष विमोचन गरीएको छ ।
बाँकेको कोहलपुरलाई आफ्नो कर्मथलो वनाई एक दशकदेखि कोहलपुरमा सघर्ष गर्दै आएका भोपेन्द्र कवरले पश्चिम नेपालमै पहिलो पल्ट कोरियाली भाषाको शब्दकोष सर्वजनिक गर्नुभएको छ ।
लामो समयदेखि कोहलपुरमा रहेर कोरियन भाषा सिकाउदै वैदेशिक रोजगारमा जान चाहनेहरुलाई कोरियन भाषामा निपुर्ण वनाउन सफल एमबिडि तथा प्रसिद्ध एजुकेशन कन्सल्टेन्सीका पोख्त प्रशिक्षक समेत रहेका कवरले बाँके जिल्लामै २२ हजार भन्दा बढि कोरियन शब्दहरु कण्ठस्थ गरि कृतिमान समेत राखिसक्नु भएको छ।
लेखक कवर लामो समयदेखि शिक्षण पेसामा आवद्ध रहदै आउनु भएको छ । कवरसँग करिब एक दशक विभिन्न शैक्षिक संस्थामा शिक्षण गरेको अनुभव छ । उहाँ ।का आधा दर्जन बढी पुस्तकहरु प्रकाशनको क्रममा छन् । उहाँका बेशिक कोरियन बुक, सरल अंगे्रजी भाषा बेशिक, सरल अंग्रेजी भाषा, सरल उद्घोषण कला, गजल संग्रह प्रकाशनको तयारीमा रहेका छन् ।
भाषा सिक्दै र अध्यन गर्दै गरेका ५ दर्जन बढि प्रशिक्षार्थी, शिक्षा अभियान्ता तथा पत्रकारहरुको उपस्थितीमा कार्यक्रमका प्रमुख अतिथी समेत रहेका एविसि एजुकेशन सेन्टरका संस्थापक राम कृष्ण चौधरी, एसबि बुढालगायतले सयुक्त रुपमा उक्त शब्दकोषको विमोचन गर्नुभएको हो।
शब्दकोष विमोचन गर्दै प्रमुख अतिथी चौधरीले विमोचित शब्दकोषले बैदेशिक रोजगारका अलावा पर्यटनका रुपमा कोरिया जानेहरुका निम्ति भाषा एक सशक्त माध्यम हुने विश्वास ब्यक्त गर्नुभयो ।
प्रमुख अतिथि चौधरीले कवरद्वारा लिखित शब्दकोष निकै उपयोगी रहेको बताउनु भयो। वैदेशिक रोजगारको गन्तव्यका रूपमा रहेको दक्षिण कोरिया जानका लागि भाषा अध्ययनमा शब्दकोष निकै उपयोगी र सरल रहेको बताउनु भएको छ।
। भाषा दक्षिण कोरिया र उत्तर कोरियाली कामकाजको मुख्य भाषा समेत भएकाले त्यहाँ जानका लागि सिक्नैपर्ने भन्दै शब्दकोषका श्रष्टा भोपेन्द्र कवरले कोरियाली भाषा कर्ता कर्म क्रिया हुने भाषा भएको बताउनु भएको छ ।
उहाँले स्थानिय स्तरका भाषा प्रशिक्षार्थीहरुले आफनो पुस्तक अध्यन गरेर भरपुर फाईदा लिन सक्ने भन्दै आफनो पुस्तकलाई वजारीकरण, प्रचार प्रसार र खरिद विक्रिका निम्ति समेत सरोकारवालाहरुलाई आव्हान समेत गर्नुभएको छ ।
प्रशिद्ध एब्रोड स्टडि कन्सल्टेन्सीका एसबि बुढाको सभापतित्वमा आयोजित कार्यक्रमको सञ्चालन एमबिडि कम्प्युटर ईन्स्टिच्युटका संचालक मोहन खड्काले गर्नुभएको थियो।
दिपक आलेले स्वागत मन्तब्य ब्यक्त गरेको कार्यक्रममा एविसिका एसबि बुढा, एमबिडिका मोहन खड्का लगाएतले प्रकाशित पुस्तकका वारमो चर्चा गर्नुभएको थियो ।
विमोचन कार्यक्रममा भाषा अध्यन गर्दै गरेका करिब डेढ सय बढि प्रशिक्षार्थी, शिक्षा अभियान्ता तथा पत्रकारहरुको उपस्थिती रहेको थियो ।
Discussion about this post