खड्क सुनार मुगु कार्तिक ९ गते ।
जिल्ला प्रहरी कार्यालय मुगुले दिपावलीमा अनुचित क्रियाकलाप र राति १० बजेपछि देउसी भैलो नखेल्न निर्देशन दिएको छ । एक प्रेस विज्ञप्ति जारी गर्दै जिल्ला प्रहरी कार्यालयले तिहारमा लागु औषध र मदिरा सेवनका कारण हुन सक्ने घटनालाई मध्य नजर गर्दै मर्या्दित बनाउन निर्देशन गरेको हो ।
तिहारमा शान्तिपूर्ण, अपराधरहित, आगलागी, जनधनको क्षति रोक्ने गरी विष्फोटक तथा पटका पड्काउन रोक लगाइएको छ । ‘तिहारलाई भड्किलो बनाउन दिइने छैन, देउसी भैलो जस्ता मनोरञ्जनात्मक कार्यक्रम अनुशासित, मर्या्दित र सभ्य रुपमा मनाउनु पर्ने जिल्ला प्रहरी कार्यालय मुगुका प्रहरी नायव उपरिक्षक भुवनेश्वर प्रसाद शाहले जानकारी दिए ।
यस्तै कसैले अनूचित फाइदाका लागि गर्ने काम गरे कानुनअनुसार कारवाही हुने विज्ञप्तिमा जनाइएको छ । शान्तिपूर्ण रुपमा तिहार मनाउनका लागि मुगुबासीलाई सचेत तथा निगरानी गर्न प्रहरी चौकीलाई निर्देशन गरिएको डिएसपि शाहले बताए ।
सामाजिक बिदाका दिनहरुमा समेत नियमित बजार अनुगमन तथा निरीक्षण भईरहने, यात्रामा सहजीकरण गर्न प्रहरी युनिटहरुबाट सहायता कक्ष (ज्भउि म्भकप) स्थापना गर्ने र यस जिल्लामा निर्बाध सवारी साधनको आवागमनमा सहजीकरण गर्ने व्यवस्था मिलाईएको छ । सेवाग्राही तथा उपभोक्ताको कुनै गुनासो भएमा वा कहि कतै प्रचलित कानुन बिपरितका गतिबिधि भए गरेको सुनेमा, अनुभव भएमा वा प्रत्यक्ष देखे जानेको अवस्थामा जिल्ला प्रहरी कार्यालय मुगु, नजिकको प्रहरी युनिट वा निम्न टेलिफोनहरु मा जानकारी गराईदिनुहुन बिनम्र अनुरोध समेत गरेको छ ।
साथै कोही कसैले अनुचित फाईदा लिने मनसायले ठगी गर्ने , कानुन मिच्ने, गुणस्तरहिन खाद्य बस्तु बिक्रि बितरण गर्ने ,कृतिम अभाव खडा गर्ने, कालो बजारी गर्ने, लागु औषधको प्रयोग, सेवन र मदिराको अबैध बिक्रि बितरण जस्ता गैर कानुनी गतिबिधि गरेको पाईएमा कानून बमोजिम हदै सम्मको कडा कारबाही गरिने जिल्ला प्रहरी कार्यालय मुगुले चेतावनी दिएको छ ।
Discussion about this post