लुम्बिनी चैत ७ गते ।
लुम्बिनी प्रदेशमा कुखुरापालन परियोजनाको लागि साझेदारी कार्यक्रम सुरु भएको छ । अमेरिकी अन्तर्राष्ट्रिय विकास नियोग (युएसएआईडी) को सहयोगमा नेपाली कम्पनी श्रीनगर एग्रीटेकले कार्यान्वयन गर्ने गरी यो कार्यक्रम शुभारम्भ भएको हो ।
कृषि तथा सम्बन्धित क्षेत्रका सरोकारवालालाई एक साथ ल्याएको यस कार्यक्रमले नेपालको कुखुरापालन उद्योगको सफलताका लागि महत्वपूर्ण सहकार्याको प्रयासमा जोड दिएको छ । श्रीनगर एग्रीटेकद्वारा कार्यान्वयन गरिने २० लाख अमेरिकी डलरको तीन वर्षीय युएसएआईडी परियोजनाले कुखुरापालन बजार प्रणालीलाई बलियो बनाउनुका साथै सात हजार साना किसान तथा व्यवसायहरूको आयमा वृद्धि गर्न सघाउ पु¥यउने विश्वास गरिएको छ ।
कुखुरापालन उद्योगले आर्थिक वृद्धिलाई चलायमान बनाउँदै अत्यावश्यक रोजगारी, आय, खाद्य सुरक्षा र पोषण प्रदान गर्ने भएकाले नेपालमा यो उद्योग महत्वपूर्ण रहेको कार्यक्रममा बताइएको थियो । कुखुरापालनले नेपालको ग्रामिण अर्थतन्त्रमा विशेष गरी महिला तथा सीमान्तकृत समूहलाई स्वरोजगारका अवसरहरू प्रदान गर्ने आशा गरिएको छ । त्यस्तैगरी कृषि तथा पर्यटन जस्ता प्रमुख क्षेत्रहरूलाई समेत समर्थन गर्ने विश्वास गरिएको छ ।
कार्यक्रममा कृषि तथा पशुपन्छी विकास मन्त्रालयका सचिव रेवती रमण पौडेलले साझेदारी कार्यक्रमले किसानलाई राहात प्रदान गर्ने बताए । उनले आत्मनिर्भरता पनि बढाउने उल्लेख गरे । त्यसैगरी युएसएआईडी नेपालका कार्यवाहक निर्देशक कारेनवेल्शले परियोजनाबाट नेपालको कृषि क्षेत्रको रूपान्तरणकारी वृद्धिका लागि निजी क्षेत्रलाई लगानी गर्न प्रोत्साहित गर्ने उल्लेख गरे ।
उनले अर्थपूर्ण सरकारी–निजी साझेदारीको सिर्जना गर्ने दिशामा युएसएआईडीको प्रतिबद्धता रहने बताए । अमेरिकी दूतावासका नियोग उप–प्रमुख जेसनमिक्सले नेपालमा उत्थानशील तथा दिगो कृषि उद्योग निर्माण गर्न युएसएआईडीको साझेदारीको भूमिका र देशभरिका समुदायका लागि सुधारिएको खाद्य सुरक्षा तथा पोषणमा त्यस प्रकारको साझेदारीले गर्ने योगदानमाथि जोड दिए ।
कार्यक्रममा उत्कृष्ट करार कृषकलाई सम्मानका साथै युएसएआईडीको परियोजनामार्फत कुखुरापालन किसान तथा व्यवसायका लागि उपलब्ध उन्नत सेवाको प्रदर्शन गरिएको थियो ।
Discussion about this post