बाँके असार ३० गते ।
लुम्विनी प्रदेश सभा सदस्य अम्विका काफ्लेले नेपालगन्ज घटनाका पीडित परिवारलाई भेटनु भएको छ । शुक्रबार राती दुई समूहबीच भएको झगडा छुटाउन गएका
नेपालगन्ज–११ नाका टोलका ३८ वर्षीय इरसाद कबडियाको खुकुरी प्रहारबाट मृत्यु भएको थियो । उक्त परिवारलाई भेट्न पुग्नु भएकी उहाँले दोषीलाई पक्राउ गरी कानुनी दायरामा ल्याउन गृहप्रशासनको ध्यानाकर्षण गराउनुभयो ।
अनाहकमा ज्यान गुमाउदा परिवारमा ठूलो बज्रपात परेको भन्दै उहाँले पीडित परिवारलाई राहात दिन सरकारको ध्यानाकर्षण समेत गराउनुभयो । इरसादका चार साना बालबालिका छन् । श्रीमति गर्भवती छिन् । पतिको निधनपछि उनी मुर्छित छिन् । उनको स्वास्थ्य अवस्था विग्रदै गएको छ ।
काफ्लेको पहलमा उनको नेपालगन्ज मेडिकल कलेजमा डा.कमर जाहासंग निःशुल्क उपचारको लागि व्यवस्था मिलाइएको छ । परिवारको मुख्य व्यक्तिकै मृत्यु भएपछि लालनपालनमा ठूलो समस्या निम्त्तिएको छ । सिंगो परिवार शोकमा छ । पीडितलाई न्याय र उचित क्षतिपूर्तिको ब्यवस्था गराउन सरोकारवाला निकायको प्रदेश सदस्य काफ्लेले आग्रह गर्नुभएको छ ।
नेपालगन्जमा पछिल्लो समय शान्ति सुरक्षाको विषयलाई लिएर नागरिकहरु गृहप्रशासनसँग रुष्ट हुन थालेका छन् ।
Discussion about this post