बाँके साउन १३ गते ।
जिल्ला प्रहरी कार्यालय बाँकेका प्रहरी नायव उपरीक्षक नारायण डाँगीले आफुले व्यक्तिगत स्वार्थपूर्तिका लागि अहिलेसम्म कुनै कार्य नगरेको दावी गर्दै अनलाइन खोजखबर डटकममा प्रकाशित समाचारको खण्डन गरेका छन् ।
अनलाइन खोजखवर डटकममा जेठ १२, २०८१ मा प्रकाशित ‘बाँकेका डिएसपीको ध्यान शान्ति सुरक्षा भन्दा पोष्ट इन्चार्जतर्फ केन्द्रित’ शीर्षकको समाचारप्रति ध्यानाकर्षण भएको भन्दै डाँगीले इमेलमार्फत खण्डन पठाएर उक्त दाबी गरेका हुन् । उनले जिल्ला प्रहरी कार्यालय बाँकेमा कार्यरत रहँदा र नरहँदा नेपाल प्रहरीको नीति, नियम र आदर्शको परिधि भित्र रहेर काम गरिरहने समेत स्पष्ट पारेका छन् ।
‘कुनैपनि कार्य नियोजितरुपमा व्यक्तिगत स्वार्थपूर्तिको लागि गरेको छैन, र आगामी दिनमा गर्ने पनि छैन’–उनले इमेल मार्फत पठाएको खण्डन पत्रमा उल्लेख छ । आफुले गरेका कार्यहरु सांगठनिक नीति, निर्देशन तथा नियमको परिधि भित्र रही अपराध रोक्ने, पत्ता लगाउने र शान्ति सुरक्षा कायम गर्न सघाउ पु¥याउने उद्देश्य अनुरुप गरेको पनि उनले स्पष्ट पारेका छन् ।
अनलाइन खोजखबर डटकमले सो समाचार प्रकाशन गर्नु अघि डिएसपी डाँगीको प्रतिक्रिया लिन २ पटक फोन गरेको थियो । तर उनले न फोन रिसिभ गरे न त कल ब्याक गरे ।
Discussion about this post