बाँके साउन १५ गते ।
अल्पससंख्ष्क महाउत समुदायका बालबालिका आर्थिक अभावमा विद्यालय जानबाट बञ्चित भएका छन्। बाँकेको डुडुवा गाउँपालिका–६ हिरमिनियामा मुख्यरुपमा बसोवास रहेको महाउत समुदायका बालबालिका विद्यालयमा भर्ना भए पनि नियमित रुपमा विद्यालय जाँदैनन्।
विद्यालय उमेर समूहका अधिकांश बालबालिका मजदुरी गर्ने ठाउँमा भेटिन्छन्। “गाउँमा धेरै पढेको कोही छैन, मैले तीन कक्षासम्म पढेर छोडिदिएँ”, विद्यालय उमेर समूहका नौकुश महाउतले भने, “स्कूल जान कापी किताव, झोला र पोशा चाहिन्छ, घरमा कसैले दिँदैन। त्यसैले अहिले मजदुरी गर्न थालेको छु।”
काशी महाउतका विद्यालय उमेर समूहका चार छोरा र एक छोरी छन्। तर हालसम्म कोही विद्यालय जाँदैनन्। साना बालबालिका बाख्रा, बङ्गुर चराउन जाने र अलि ठूलो उमेरका बालबालिका मजदुरी काममा जाने गरेको उनले बताए। “पढेलेखेर के हुन्छ, कसैले केही काम पाएका छैनन् त्यही भएर हाम्रा छोरा छोरी स्कूल जाँदैनन्”, काशीले प्रतिप्रश्न गर्दै भने, “घरमा खान बस्नकै समस्या छ विद्यालय पठाउन कापी किताव, झोला र ड्रेस कहाँबाट ल्याइदिने रु” वर्षौँदेखि मगान्ताटोलमा बसेका महाउत सबैजसोको घर फुसले बनेका छन्।
यो समुदायका अधिकांश ज्याला मजदुरी गरेर जीविका चलाउँछन्। मगन्ता गाउँमा मात्रै यो समुदायका एकसय १२ घर छन ।
Discussion about this post