बाँके भदौ ११ गते ।
प्रहरीले नेपालगन्ज उपमहानगरपालिका–१५ स्थित जमुनाह चेक पोइन्टबाट लागु औषध ट्रामाडोलसहित एक जनालाई पक्राउ गरेको छ ।
जिल्ला प्रहरी कार्यालय बाँकेको मातहतमा रहेको ईलाका प्रहरी कार्यालय जमुनाह र लागू औषध नियन्त्रण ब्युरोबाट खटिएको संयुक्त प्रहरी टोलीले नेपालतर्फ आउँदै गरेको अवस्थामा लागु औषध ट्रामाडोलसहित रेशम नेपालीलाई पक्राउ गरेको हो ।
पक्राउ पर्नेमा जिल्ला सुर्खेत बिरेन्द्रनगर नगरपालिका–११ घर भई हाल जिल्ला बाँके बैजनाथ गाउँपालिका–२ बस्ने नेपालीलाई चेकजाँच गर्दा आलु बोकेको प्लाष्टिक भित्र लुकाई छिपाई ल्याउँदै गरेको अवस्थामा ९० पत्ता (९०० ट्याबलेट) ट्रामाडोलसहित पक्राउ गरिएको जिल्ला प्रहरी कार्यालय बाँकेले जनाएको छ ।
उक्त सम्बन्धमा बाँके जिल्ला अदालतबाट ५ दिन म्याद थप अनुमती लिई थप अनुसन्धान एवं कारवाही प्रक्रिया अगाडी बढाईएको प्रहरीेले जनाएको छ ।
Discussion about this post