बर्दिया भदौ २१ गते ।
बर्दियामा गैंडाको आक्रमणमा परी एकजना वरिष्ठ नेचर गाइडको मृत्यु भएको छ । मध्यवर्ती क्षेत्रनजिक रहेको एक सामुदायिक वनमा विदेशीलाई घुमाउन लगेको बेलामा गैंडाले आक्रमण गर्दा शुक्रबार बिहान एक जना नेचर गाइडको मृत्यु भएको हो ।
बर्दिया राष्ट्रिय निकुञ्जको मध्यवर्ती क्षेत्रको नजिकै रहेको शिव सामुदायिक वन उपभोक्ता समूहको जङ्गलक्षेत्रमा विदेशी पर्यटकलाई घुमाउन लगेको अवस्थामा शुक्रबार बिहान साढे ८ बजेको समयमा गैंडाले आक्रमण गर्दा ठाकुरबाबा नगरपालिका –९ बर्दियाका ३६ वर्षीय वरिष्ठ नेचर गाइड मनमोहन चौधरीको मृत्यु भएको बर्दिया राष्ट्रिय निकुञ्जका सूचना अधिकारी पुरुषोत्तम वाग्लेले जानकारी दिए ।
५६ वर्षीय अमेरिकन नागरिक एमसी लेन्डोन सावनलाई जङ्गलवाकमा घुमाउन लगेको समयमा चौधरीलाई गैंडाले आक्रमण गरेको र घटनास्थलमै उनको ज्यान गएको सूचना अधिकारी वाग्लेले बताए ।
उनका अनुसार गैंडाको आक्रमणमा परी घाइते भएका अमेरिकन नागरिक सावनको अहिले ठाकुरबाबार नगर अस्पतालमा उपचार भइरहेको र थप उपचारका लागि हेलिकप्टरमार्फत काठमाडौं लैजाने तयारी भइरहेको छ ।
Discussion about this post