सरला सुवेदी
बाँके कात्तिक १६ गते ।
तिहारको सुरुवातसँगै नेपालगन्जको त्रिभुवन चोकमा चाडपर्वको विशेष रौनक देखिएको छ। आजको धन्तेरसका अवसरमा भाडावर्तन, पूजाका सामग्री, लक्ष्मी पूजा र छठ पर्वका लागि भुटकि, मिठाई, र धानको लाभा किन्नेहरूको भीडले बजारमा उत्साह छाएको छ। नयाँ भाडावर्तन किनेर पूजा गर्ने परम्परालाई मान्नेहरूको चहलपहलले बजार व्यस्त भएको छ।
नेपालगन्जका व्यापारी बाबुलाल गुप्ताका अनुसार हरेक वर्ष तिहारको बेला धानको लाभाबाट मात्रै दश हजार रुपैयाँको आम्दानी हुने गरेको छ। यसैगरी, छठ पर्वको तयारीमा रहेका अन्य ग्राहकहरूले पूजा सामग्री र मिठाईहरू किनेर घर–घरमा पर्वको उमङ्ग पु¥याएका छन्।
यातायातको चापले बजार अस्तव्यस्त बनेको छ भने ट्राफिक व्यवस्थापनमा थप चुनौती देखिएको छ। नेपालगन्ज ट्राफिक प्रहरीका दीपेन्द्र रावलका अनुसार चाडपर्वको विशेष समयमा बजारमा निगरानी र व्यवस्थापन चुस्त बनाउन सम्पूर्ण ट्राफिक टोली क्रियाशील छ। यो समयलाई सबैले सहज र सुरक्षित रुपमा मनाउन सजगता अपनाइएको उहाँले बताउनुभयो।
यसरी छठ र तिहारका किनमेलले भरेको नेपालगन्जको त्रिभुवन चोक, चाडपर्वको रौनकसँगै स्थानीयको सांस्कृतिक महत्त्वलाई पनि उजागर गरिरहेको छ।
Discussion about this post