बाँके मंसिर १५ गते ।
नेपालगन्ज भन्सार कार्यालयको यात्रु आगमन कक्षमा राखिएको लगेज स्क्यानर मेसिनको मर्मत नहुँदा अलपत्र परेर थन्किएको छ ।
सरकारको बेवास्ताका कारण बाँकेको नेपालगन्ज भन्सार कार्यालयको एक करोड मुल्य पर्ने लगेज स्क्यानर मेसिन सात वर्षदेखि अलपत्र परेको छ ।
भारतबाट आउने सर्वसाधारणको लगेज जाँच गर्न भन्सार विभागले २०७४ सालमा दिएको स्क्यानर मेसिन प्रयोेगमा आएको केहि दिनमै विग्रिएपछि यात्रुको लगेज चेकजाँचमा समस्या भएको छ ।
नेपालगन्ज भन्सार कार्यालयको नेपाल–भारत सीमाक्षेत्र जमुनाहा नाकास्थित यात्रु आगमन कक्षमा राखिएको सो लगेज स्क्यानर मेसिनको मर्मत नहुँदा अलपत्र परेर थन्किएको छ । दैनिक हजारौंको संख्यामा सर्वसाधारण यात्रु आउजाउ गर्ने उक्त नाकामा मेसिन बिग्रँदा भन्सार कर्मचारी र सशस्त्र प्रहरीले सामानहरु हातले छामछुम पार्दै छाड्ने गरेका छन् ।
Discussion about this post