रौतहट कार्तिक २६ गते ।
रौतहटको इशनाथ नगरपालिका–४ मा रहेको मठिया प्रहरी चौकीमा मंगलबार दिउँसो साढे १२ बजे बम विस्फोट भएको छ । विस्फोटमा परी चौकीमा सेन्ट्री बसेका प्रहरी जवान रञ्जित यादव घाइते भएका छन् । उनलाई बमको छर्राले समान्य चोट लागेको प्रहरी ले जनाएको छ । बम प्रहार गरेर बी.आर ०५ एच ६५०९ नम्बरको मोटरसाइकलमा भाग्दै गरेका भारतीय नागरिक चन्दन कुमारलाई प्रहरीले पक्राउ गरेको छ । विस्फोट गराएर भाग्दै गरेका भारतको विहार राज्यस्थित ढाकाका कुमारलाई दशगजा क्षेत्रबाट नियन्त्रणमा लिइएको हो । उनलाई सोही चौकीमा कार्यरत सुरक्षाकर्मीले पक्राउ गरेका हुन् ।
चौकीमा बम विस्फोट भएको जिल्ला प्रहरी प्रमुख एसपी भूपेन्द्र खत्रीले बताउनुभयो । उनले भने चौकीमा बम प्रहार गर्दा एक जवान घाइते भए, बम फालेर भागेका भारतीय नागरिकलाई पक्राउ गर्न सफल भएका छौं । उनी बारे अनुसन्धान भइरहेको बताउनुभयो । एसपी खत्रीका अनुसार विस्फोटमा संलग्न अर्का एकजना फरार, उनको खोजी भइरहेको समेत बताउनुभयो ।घटना पछि सीमाक्षेत्रमा सुरक्षा व्यवस्था कडा बनाइएको छ, भने घटनास्थलतर्फ जिल्लाबाट थप मद्धत टोली पठाइएको छ । चौकीमा प्रहरी सहायक निरिक्षक असईको कमाण्डमा ११ जना सुरक्षाकर्मी तैनाथ थिए ।
Discussion about this post