बाँके माघ १४ गते ।
न्युज बाँके डटकमका पत्रकार टार्जन ओली माथि नेपालगन्जमा संचालन भइरहेको प्रादेशिक महोत्सवमा भएको दुव्र्यवहारको घटनाप्रति नेपाल पत्रकार महासंघ बाँके शाखा, प्रेस चौतारी बाँके, प्रेस युनियन बाँके तथा प्रेस सेन्टर बाँकेले गम्भीर ध्यानाकर्षण भएको जनाएको छ ।
आइतबार नेपाल पत्रकार महासंघ बाँके शाखा, प्रेस चौतारी बाँके, प्रेस युनियन बाँके तथा प्रेस सेन्टर बाँकेले प्रेस बिज्ञप्ती जारी गर्दै न्युज बाँके डटकमका पत्रकार टार्जन ओली माथि नेपालगन्जमा संचालन भइरहेको प्रादेशिक महोत्सवमा भएको दुव्र्यवहारको भत्सर्ना गर्दै यस्ता घटना दोहोरिन नदिन र पत्रकारहरुलाई निर्वाध समाचार संकलनको वातावरण बनाउन नेपालगन्ज उद्योग वाणिज्य संघको ध्यानाकर्षण गराएका हुन् ।
पीडित पत्रकारका अनुसार, नेपालगन्ज उद्योग वाणिज्य संघले सडक डिभिजन परिसरमा संचालन गर्दै आएको प्रादेशिक महोत्सवमा शनिवार समाचार संकलनका क्रममा परिचय दिंदादिदै अवरोध सिर्जना गरि आयोजकका तर्फबाट सुरक्षाकर्मी लगाएर बाहिर निकाल्दै दुव्र्यवहार गरिएको बिज्ञप्तीमा उल्लेख गरिएको छ ।
Discussion about this post