बाँके फागुन १७ गते ।
नेपाली कांग्रेसका महामन्त्री गगन थापा आज नेपालगन्ज आउने भएका छन् । पेशागत तथा बुद्धिजीवी विभाग नेपाली कांग्रेस र नेपाल डेमोक्याट्रिक लयर्स एशोसियसनले आयोजना गर्न लागेको ‘संविधान संशोधन आवश्यकता र चुनौती’ विषयक लुम्बिनी प्रदेश स्तरीय अन्तरक्रिया कार्यक्रमलाई सम्बोधन गर्न उनी नेपालगन्ज आउन लागेका हुन् ।
आज बिहान ११ बजे स्थानीय भेरी प्राविधिक शिक्षालयमा उक्त कार्यक्रम हुँदैछ । उक्त कार्यक्रममा महामन्त्री थापा प्रमुख अतिथीका रुपमा रहनेछन् । कांग्रेसका चर्चित युवा नेता समेत रहेका महामन्त्री थापाको नेपालगन्ज आगमनलाई भब्य बनाउने तयारी गरिएको छ । महामन्त्री थापालाई स्वागत गर्न नेपालगन्ज बिमानस्थलमा भब्य स्वागत गर्ने तयारी गरिएको छ ।
नेपाली कांग्रेसका नेता तथा कार्यकर्ताहरु ठुलो संख्यामा बिमानस्थलमा उपस्थित हुने नेपाली कांग्रेस बाँकेले जनाएको छ । थापालाई स्वागत गर्न बिहान बिमानस्थल परिसरमा पुग्न भनिएको छ । महामन्त्री थापालाई बिमानस्थलमा स्वागत गरिसकेपछि मोटरसाईकल र्यालीसहित नेपालगन्जको भेरी प्राविधिक शिक्षालयसम्म ल्याउने कार्यक्रम रहेको बताइएको छ ।
केहीदिन अघि कर्णाली प्रदेशको सुर्खेत, सल्यान तथा लुम्बिनी प्रदेशको रोल्पा र प्युठानमा पुग्दा महामन्त्री थापालाई भब्य स्वागत गरिएको थियो । ति जिल्लामा थापाको उपस्थितीले कांग्रेस कार्यकर्ताहरु उत्साहित भएका छन् । पार्टीको आगामी १५ औं महाधिवेशनका लागि सभापति पदमा लड्ने तयारी गरेका महामन्त्री थापाले जिल्ला–जिल्लामा आफ्नो आवत–जावत बढाएका छन् ।
Discussion about this post