अजय पाठक बाँके कार्तिक ३० गते । एक्स जेनेरेसनको आयोजनामा नेपालगन्जमा हुन लागिरहेको “मिस नेपालगन्ज र लिटिल मिस भेरी २०१९”को तयारी पुरा भएको छ। शनिबार नेपालगन्जमा पत्रकार सम्मेलनको आयोजना गर्दै तयारी पूरा भएको औपचारिक रुपले जानकारी गराएको हो।
सन २०११ देखि नेपालगन्जमा सन्चालन हुँदै आएको मिस नेपालगन्ज सौन्दर्य प्रतियोगिता २०१९ को लागि आगामी मंसिरको पहिलो साताबाट अडिसन सुरु हुने एक्स जेनेरेसनका अध्यक्ष संयोगजंग शाहले जानकारी दिनुभएको छ ।
शाहका अनुसार प्रतियोगिताको अडिसन मंसिर ७ गते हुने छ। त्यस्तै, तीन हप्ताको ट्रेनिङ मंसिर ८ गतेदेखि सुरु हुने छ। प्रतियोगीले मंसिर १४ गते पनि रि-अडिसन दिन सक्नेछन।
मिस नेपालगन्जमा सहभागी हुनको लागि प्रतियोगिले एसएलसी पास गरेको हुनुपर्ने छ। त्यस्तै, प्रतियोगीको उचाइ ५ फिट र उमेर १६ देखि २४ वर्षको हुनुपर्ने आयोजकले जनाएको छ ।
आयोजकले गराएको जानकारी अनुसार मिस लिटिल भेरीका लागि ८ देखि १३ वर्षसम्मका बालबालिकाले सहभागीता जनाउन सक्नेछन।
प्रतियोगिताको ताज मात्र पहिराएर अन्य कुनै अवसर नदिने प्रवृतिलाई चिर्नको लागि मिस नेपालगन्ज प्रतियोगिताले ठूलो भुमिका निर्वाह गर्ने २०१५ कि मिस नेपालगन्जकी विजेता सुमन थापाले बताइन् । त्यस्तै, मिस नेपालगन्ज २०१७ की विजेता दिपीका श्रेष्ठले भनिन,”यो प्रतियोगीताले प्रतिस्पर्धीहरुलाई धेरै फाइदा पुग्दछ। हिजो हामी थियौं, आज अन्य बहिनीहरु आउँदा म एकदम उत्साहित छु।”
यस पालिको आयोजक टिममा संयोगजंग शाह, रामचन्द्र पौडेल , भरत सिंह बिष्ट र रामु ओली रहेका छन।
‘हिजोका दिनहरूमा जे भयो भयो। अब हुन लागेको प्रतियोगिता भनेको ब्युटी विइद ब्रेन हो।’ आयोजक टिमका सदस्य भरत सिँह बिष्टले भने यो पाकिका प्रतिस्पर्धीहरुलाई मासमा निर्धक्कसंग बोल्न सक्ने बनाउँछौ।मिस नेपालगन्ज २०१९ ले एकदम नेपालगन्जलाई प्रतिनिधित्व गर्नेछ।’
मंसिर २८ गते ट्यालेन्ट राउन्ड र पुस ५ गते ग्राण्ड फिनाले हुनेछ। प्रतियोगितामा सहभागी हुनको लागि फी ५ सय रहेको र ट्रेनिङ फि १५ हजार रहेको पनि शाहले जानकारी दिए।
त्यस्तै आयोजक एक्स जेनेरेसनले नै उहीँ भेनु र तालिकामा आयोजना गर्ने लिटिल मिस भेरिको रजिस्ट्रेसन निशुल्क रहेको र ट्रेनिङ शुल्क १० हजार रहेको आयोजक संस्था एक्स जेनेरेसनका अध्यक्ष शाहले बताए ।
आयोजकका अनुसार “मिस नेपालगन्ज २०१९”को विजेताले सङ्गस नेपालको तर्फबाट एउटा म्युजिक भिडियो र फ्लाइटेक इन्टरनेशनलको तर्फबाट निशुक्ल एयर होस्टेसको ट्रेनिङ लिन पाउनेछन, आयोजकले बताएका छन् ।
Discussion about this post