बाँके भदौ १ गते ।
बाँकेमा लुम्बिनी प्रदेश सरकारले सडक पूर्वाधार कार्यालय मार्फत करिब ४५ किलोमिटर सडक र नाली निर्माण गरेको छ । सडक पूर्वाधार कार्यालय बाँकेको प्रमुख दिपक खड्काले गत आर्थिक वर्ष २०८२–८३ मा कालोपत्रे, ग्राभेल, ढलान र पक्की नाली गरी करिब ४५ किलोमिटर निर्माण गरिएको जानकारी दिए।
सडक पूर्वाधार कार्यालय बाँकेका प्रमुख दीपक खड्काले भने, “अधिकांश बस्तीबाट कालोपत्रे सडकको माग भई आउने गरेका छन् ।” कार्यालयका अनुसार गत आवमा सबैभन्दा बढी १७.४८९ किलोमिटर कालोपत्रे सडक निर्माण गरिएको छ ।
पछिल्लो समय कालोपत्रेमा पनि अस्फाल्ट कालोपत्रे प्राथमिकतामा राखिएको कार्यालयले जनाएको छ । यसैगरी ग्राभेल सडक १४.०७८ किलोमिटर निर्माण गरिएको छ । यसैगरी १.४८६ किलोमिटर ढलान सडक निर्माण गरिएको छ । यसैगरी १२.०७१ किलोमिटर पक्की नाली निर्माण गरिएको छ ।
यसैगरी ७ वटा कल्भर्ट र कजवे, २ वटा सडक पुलको निर्माण सम्पन्न गरिएको कार्यालयले जनाएको छ । बाँकेमा सडक पूर्वाधारतर्फ वार्षिक करिब दुई सय वटा योजनामा बजेट विनियोजन हुने गरेको छ । गत आवमा १९६ वटा योजना रहेका थिए ।
Discussion about this post