बाँके भदौ १ गते ।
नेपालगन्जबाट प्रहरीले पेस्तोलसहित दुई जनालाई पक्राउ गरेको छ । जिल्ला प्रहरी कार्यालय बाँकेले दिएको जानकारी अनुसार कटुवा पेस्तोलसहित दुई जनालाई पक्राउ गरिएको हो ।
जिल्ला प्रहरी मातहत रहेको अस्थायी प्रहरी पोस्ट बसपार्कको टोलीले शनिबारराती नेपालगन्ज उपमहानगरपालिका-४ बसपार्कबाट एक थान कटुवा पेस्तोल र २ राउण्ड गोलीसहित नेपालगन्ज-९ बस्ने १७ वर्षीय किशोर समीर ढपाली र अर्का १६ वर्षीय राजन सोनकरलाई पक्राउ गरिएको डीएसपी दिपक पातलीले बताए ।
उनका अनुसार पुष्पलाल चोकबाट बसपार्कतर्फ इ-रिक्सामा आउँदै गरेको अवस्थामा उनीहरुलाई पेस्तोल र गोलीसहित पक्राउ गरिएको हो ।
पक्राउ परेका दुई जनासँग थप अनुसन्धान सुरु गरेको प्रहरीले जनाएको छ ।
ADVERTISEMENT
Discussion about this post