कञ्चनपुर असोज २ गते ।
नेपालीहरूको महान् चाड बडादशैँ आउन केही दिन मात्रै बाँकी छ। दशैँ मनाउन देश विदेशबाट घर फर्किने क्रम शुरु भएको छ। सुदूरपश्चिममा भने दशैँको मुखमा काम खोज्दै भारत जानेहरूको लर्को छ।
विगतमा यस वेलासम्म रोजगारीका लागि भारतमा रहेका नेपालीहरू यहाँको गड्डाचौकी नाका भएर घर फर्किने क्रम बढिसकेको हुन्थ्यो। दैनिक हजारौँको सङ्ख्यामा नेपाली स्वदेश फर्किने यो नाकामा यो पटक फरक भने दृश्य देखिएको छ। हाल यस नाकाबाट स्वदेश आउनेभन्दा काम खोज्दै भारत जानेको सङ्ख्या बढी छ। चाडपर्वका बेला विद्यालयमा लामो बिदा हुने भएकाले अभिभावकसँगै बालबालिका पनि भारत गइरहेका देखिन्छन्।
परिवारसहित काम खोज्दै भारतको हिमाञ्चल प्रदेश जान लागेका डोटीको जोरायल गाउँपालिका(२ का करन थापा मङ्गलबार गड्डाचौकी नाकामा भेटिए। ‘साँझ–बिहान छाक टार्न समस्या छ, पैसा नभई कसरी दशैँ हुन्छ’, उनले भने, ‘पैसा भयो भने तिहार मनाउन आउँछु। यो पटक घरमा बसेर दशैँ मनाउन पाइएन।’ थापाले दशैँको समयमा बालबच्चाको विद्यालय बिदा भएका कारण परिवारका सबैजना काम खोज्दै हिमाञ्चलन प्रदेश जान लागेको बताए।
Discussion about this post