बाँके कात्तिक १ गते ।
आजदेखि प्रकाशपर्व तिहार सुरु भएको छ । यो पर्वको सुरुवात काग तिहारसँगै हुने परम्परा अनुसार आज घर–घरमा कागलाई मीठा परिकार अर्पण गर्दै तिहारको सुरुवात गरिएको छ । तिहार सुरु भएसंगै नेपालगन्ज बजार क्षेत्रमा चहलपहल उल्लेख्य रूपमा बढेको देखिन्छ ।
विशेषगरी वागेश्वरी रोड, त्रिभुवन चोकदेखि त्रिवेणी मोडसम्मका सडक बीचमा बत्ती र सजावटका सामग्री बेच्ने अस्थायी पसलहरू ठडिएका छन् । साँझपख यी सडकहरू रङ्गीचङ्गी बत्ती र फूलमालाले झिलिमिली बनेका छन् । पूजा सामग्रीका पसलहरूमा पनि किनमेलको भीड देखिएको छ । विशेषगरी धनतेरसको दिन भगवान् धन्वन्तरीको पूजा गरी सुन, चाँदी, भाँडा तथा तामाका सामग्री किन्ने परम्परा भएकाले आज धन्वन्तरी बजारमा भिड बाक्लिएको व्यापारीहरूले बताएका छन् ।
व्यवसायीहरूले यस वर्षको तिहारमा विगतका वर्षको तुलनामा बिक्री–वृद्धि हुने आशा व्यक्त गरेका छन् । बजारका सडकहरू रंगीन बत्ती, डेकोरेटिभ सामान र पुष्पमालाले उत्सवमय वातावरण सिर्जना गरेका छन् ।
साथै, स्थानीय प्रशासनले तिहारका बेला सुरक्षा व्यवस्था कडा पारेको र भीडभाड भएका स्थानमा ट्राफिक नियन्त्रण र निगरानी बढाएको जनाएको छ ।
नेपालगन्जका बासिन्दा र व्यापारी दुवै अहिले उत्साह र उल्लासका साथ तिहार मनाउने तयारीमा व्यस्त देखिन्छन् ।
Discussion about this post