बाँके कात्तिक २३ गते ।
पछिल्ला केही महिना देखि बाँके जिल्लामा तस्करीका गतिविधि तीव्र बन्दै गएका छन्। गुलियो र ठूला स्वरूपमा नभए तापनि, साना–मध्यम तस्करीका परिमाणले स्थानीय बजार र सुरक्षा अवस्थालाई असर पार्न थालेको छ।
खासगरी डुडुवा आसपासको खडैचा, भज्जुपुर्वा, कालाबन्जर र तेलियनपुर क्षेत्रमा कपडा, कुखुराको चल्ला, राँगा–भैँसी, सुर्ती, चिनी लगायतका विभिन्न सामान अवैधरूपमा भित्र्याउने तयारी र क्रमिक आयात हुँदा स्थानीय बासिन्दा र सरोकारवाला चिन्तित छन्।
स्थानीय बासिन्दी र प्रत्यक्षदर्शीहरुले बताउँछन् — जमुनाह नाकामा कडाई बढेपछि तस्करहरुले वैकल्पिक सहायक नाकाहरुबाट सामान ओसार्न थालेका छन्।
दिउँसोको समयमा प्रहरी र सशस्त्र प्रहरीको सक्रिय उपस्थिति देखाएर तस्करहरु रात्री समयमा भारी परिमाणमा सामान भित्र्याउने गरेका छन्। प्रत्यक्षदर्शी एक जना तस्करको भनाइ उद्धृत गर्दै भन्छन्, “प्रहरीले लाइन दिएपछि हामीले रातिको समयमा सामान ओसारर्छौँ। प्रहरीलाई लाइन नदिँदासम्म अवैध रुपमा भारतबाट सामान ल्याउने कुनै सम्भावना हुँदैन।”
यस किसिमको दाबीले बाँकेका एसपी अंगुर जिसीले जतिसुकै कडा निर्देशन दिएपनि स्थानिय इन्चार्जहरुको मिलोमतोबारे प्रश्न उठाएको छ। जिल्लाका एसपी जिसिले कडा निर्देशन दिएका छन् भने पनि, केही इन्चार्जहरु कमाउन प्रेरित हुन पुगेको स्थानीय तस्कर र स्रोतहरुको भनाई हो।
दिउँसो सार्वजनिक दृश्यतामा प्रहरी र सशस्त्र प्रहरीले कडाइ गरेको जस्तो देखिए पनि साँझ–रातमा घनघोर चोरी–छलछाम हुने कारणलाई सर्वसाधारणले प्रहरीको प्रभावकारी अनुगमनको अभाव र स्थानीयस्तरमा कुनै समूह वा व्यक्तिद्वारा तस्करीलाई संरक्षण उपलब्ध गराइने संरचनासँग जोडेर हेरेका छन्।
सम्पूर्ण घटनाको प्रकाशमा आएको विवरण अनुसार, जिल्लाका उच्च सुरक्षा अधिकृतहरुले निर्देश दिए तापनि ‘इन्चार्जहरुको कमाउ धन्दा’ भन्ने आरोप उठेका छन्।
Discussion about this post