बर्दिया पुस २५ गते ।
बर्दियाको बढैयाताल गाउँपालिका–३ सिमरामा रहेको भवानी माध्यमिक विद्यालयमा अध्ययनरत बौद्धिक अपाङ्गता भएका विद्यार्थीलाई विभिन्न सामग्री वितरण गरिएको छ।
विभिन्न सहयोगी संस्थाहरू तथा व्यक्तिहरूबाट प्राप्त सामग्री शुक्रबार आयोजित एक कार्यक्रमका बीच वितरण गरिएको हो।
कार्यक्रम बढैयाताल गाउँपालिकाकी उपाध्यक्ष लक्ष्मी अधिकारीको प्रमुख आतिथ्यतामा सम्पन्न भएको थियो।
उक्त कार्यक्रममा गाउँपालिका कार्यपालिका सदस्य चन्द्रकला बी.क, वडा सदस्य आशिष, चर्च पास्टर सोनु बराईली, धर्मगुरु, राजनीतिक दलका प्रतिनिधि तथा स्थानीय अगुवाहरूको उपस्थिति रहेको थियो। साथै विद्यालय व्यवस्थापन समितिका अध्यक्ष, पूर्व अध्यक्ष दिलबहादुर केसी, प्रधानाध्यापक तथा शिक्षक–शिक्षिकाहरूको सहभागिता रहेको थियो।
सो अवसरमा बौद्धिक अपाङ्गता भएका विद्यार्थीलाई न्यानो कपडा, ज्याकेट, ऊनी टोपी तथा स्टेशनरी सामग्री अन्तर्गत कापी, कलम, पेन्सिललगायतका सामग्री वितरण गरिएको विद्यालयले जनाएको छ। डा. विनोद थापा, नेपालगञ्जका धर्मेन्द्र बोहरा, बर्दिया निवासी रञ्जित अधिकारी, नेपालगञ्जका शमशेर महतरा, बर्दिया निवासी कुलबहादुर बी.क, दिपेन्द्र न्यौपाने र धनेश्वर यादवलगायत समाजसेवीहरूको सहयोगमा सामग्री उपलब्ध गराइएको जनाइएको छ।
Discussion about this post