दाङ चैत ४ गते ।
दाङमा भएको सवारी दुर्घटनामा एक जनाको मृत्यु भएको छ। मृत्यु हुनेमा गढवा गाउँपालिका–५, बाँकी निवासी ३६ वर्षीय भानु रिजाल रहेको जिल्ला प्रहरी कार्यालय दाङले जनाएको छ।
जिल्ला प्रहरी कार्यालय दाङका सूचना अधिकारी एवं प्रहरी नायव उपरीक्षक रेशम बोहराका अनुसार मंगलबार बेलुका करिब पौने ८ बजे देउखुरीको हुलाकी सडकखण्डअन्तर्गत पूर्वबाट पश्चिमतर्फ गढवा बजार आउँदै गरेको रा १ त ३४२९ नम्बरको ट्याक्टर र सोही दिशाबाट आउँदै गरेको रा ६ प १७६९ नम्बरको मोटरसाइकल आपसमा ठोक्किँदा दुर्घटना भएको हो।
दुर्घटनामा गम्भीर घाइते भएका रिजालको लमही अस्पतालमा उपचारका क्रममा मृत्यु भएको प्रहरीले जनाएको छ। प्रहरीले ट्याक्टर चालक तथा ट्याक्टरलाई इलाका प्रहरी कार्यालय गढवामा नियन्त्रणमा राखी घटनाबारे थप अनुसन्धान गरिरहेको जनाएको छ।
ADVERTISEMENT
Discussion about this post