बाँके, असार ८ गते।
लुम्बिनी प्रदेश सभाको आठौँ अधिवेशनअन्तर्गत दशौँ बैठक आज सोमबार दिउँसो १ बजे बस्ने भएको छ। बैठकमा आर्थिक वर्ष २०८३/८४ को राजश्व र व्ययको वार्षिक अनुमान (बजेट) माथि सैद्धान्तिक छलफल हुने कार्यसूची तय गरिएको प्रदेश सभा सचिवालयले जनाएको छ।
निर्धारित कार्यसूचीअनुसार आर्थिक मामिला तथा योजनामन्त्री धनेन्द्र कार्कीले आर्थिक वर्ष २०८३/८४ को राजश्व र व्ययको वार्षिक अनुमानमाथि सैद्धान्तिक छलफल गरियोस् भन्ने प्रस्ताव सभामा प्रस्तुत गर्नेछन्। प्रस्तावमाथि प्रदेश सभा सदस्यहरूले आ–आफ्नो धारणा राख्नेछन् भने छलफलका क्रममा उठेका प्रश्नहरूको जवाफ मन्त्री कार्कीले दिने कार्यक्रम रहेको छ।
त्यसैगरी, बैठकमा मन्त्री कार्कीले ‘आर्थिक वर्ष २०८३/८४ को सेवा तथा कार्यका लागि प्रदेश सञ्चित कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न बनेको विधेयक’ पनि सभामा पेश गर्ने कार्यसूची रहेको प्रदेश सभा सचिवालयले जनाएको छ।
Discussion about this post