भगतराम थारु
नेपालगन्ज १९ असार
नेपालागन्जमा भोली हुने म्युजिक कन्सर्टको तयारी पुरा भएको आयोजकले जनाएको छ । ९५ प्रतिशत तयारी पुरा भएको छ बाँकी काम आजै साँझा सम्म सकिने र भोली भरपुर मनोरञ्जन प्रदान गरिने लक्ष्यका साथ कन्सर्टको तयारी पुरा भएको आयोजकले जनाएको छ । भोली हुने कन्सर्टमा नेपालगन्जबासीहरु चर्चित गायीका ज्योति मगरसंग झुम्ने पक्का भएको आयोजक टिमले जनाएको छ । सबै पेशा र व्यवसायमा लागेका आम व्यक्तिलाई पुरानो कामको समिक्षा र नयाँ योजना निर्माणले ब्यस्त बनाइरहेको हुनाले मनोरञ्जनले पनि उनिहरुको हिम्मत बढाउनका लागि यस्तो खालको कार्यक्रम आयोजना गरिन् लागेको आयोजक मिम्स इभेन्ट म्यानेजमेन्टका अध्यक्ष मिम बहादुर बुढाले जानकारी दिनुभयो । कन्सर्टमा नेपालकै चर्चित चर्चिक कलाकारहरुको प्रस्तुती रहने अध्यक्ष बुढाले बताउनुभयो । भोली नेपालगन्जस्थित सिद्धार्थ कटेजमा साँझ ७ बजेदेखि राती १२ बजेसम्म हुने ‘म्युजिक कन्सर्ट–२०१९’ मा चर्चित गायिका ज्योति मगर, गायिका अमृता लिम्बु, स्थानीय गायिका रबिना तिवारी र डिजे विकासको प्रस्तुती रहने अध्यक्ष बुढाले जानकारी दिनुभयो । सम्पुर्ण तयारी पुरा भएको छ अध्यक्ष बुढाले भन्नुभयो । सुरक्षाको दृष्टिकोणले पनि सवै ठाउँमा जानकारी गराएका छौं भोलि साँझा ढुक्कका साथ कन्सर्ट हेर्न सक्ने वातावरण बनाएको उहाँले जानकारी गराउनुभयो । कन्सर्टमा प्रवेशका लागि १ हजार रुपैया राखिएको आयोजकले जनाएको छ । करिव ८ लाखको लागतमा हुन लागेको कन्सर्टमा ८ सय जना जतिले कन्सर्ट हेर्न आउने लक्ष्य आयोजकले राखेको जनाएको छ । कार्यक्रममा स्थानिय कलाकारहरुको पनि वेजोड प्रस्तुती हुने छ ।
Discussion about this post